काठमाडौं, तारकेश्‍वर नगरपालिका-३ तीनपिप्लेस्थित टोखा नगरपालिका-६ घर भएका २८ वर्षीय आश्रय शर्माले संचालन गरेको चेरी भ्याली रिसोर्टभित्र जुवातास खेलिरहेको अवस्थामा आश्रय समेत २४ जनालाई गए राति प्रहरीले पक्राउ गरेको छ । 

जिल्ला प्रहरी परिसर काठमाडौं र प्रहरी वृत्त बालाजुबाट खटिएको प्रहरीले उनीहरूलाई नगद ९ लाख ८० हजार २ सय ८५ रूपैयाँ, ३ बुक तास र ४४ वटा कौडा सहित उनीहरूलाई पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।