आज मिति २०८२/०६/३० गते, काठमाडौं उपत्यका प्रहरी कार्यालयका कार्यालय प्रमुख प्रहरी अतिरिक्त महानिरीक्षक दान बहादुर कार्कीको प्रमुख आतिथ्यतामा सेवानिवृत्त हुन लाग्नु भएका प्रहरी निरीक्षक रमेश सापकोटाको बिदाई कार्यक्रम सम्पन्न भएको छ । 

     मिति २०५३।०२।१४ गते सेवा प्रवेश गरी तालुक नेपाल प्रहरी प्रधान कार्यालय कर्मचारी प्रशासन शाखा नक्सालको मिति २०८२।०५।२३ गतेको पत्रादेशानुसार प्रहरी नियमावली, २०७१ (संशोधन सहित) को नियम १२९ को उपनियम २ बमोजिम उमेर हदको आधारमा मिति २०८२।०६।३० गते अनिवार्य अवकाश भई जान लाग्नु भएका प्रहरी निरीक्षक रमेश सापकोटालाई यस कार्यालयको तर्फबाट प्रहरी अतिरिक्त महानिरीक्षक दान बहादुर कार्कीले खादा तथा “मायाको चिनो” प्रदान गर्नुभएको थियो ।              

         बिदाई समारोहलाई सम्बोधन गर्नुहुदै प्रहरी अतिरिक्त महानिरीक्षक कार्कीले आम नागरीकलाई न्याय र सुरक्षाको प्रत्याभूती दिदैं संगठनको कर्मठ सिपाहीको रुपमा आफ्नो जीवनको उर्जाशिल समय नेपाल प्रहरी संगठनले सुम्पेको जिम्मेवारी व्यवसायिक रूपमा निर्वाह गर्नु भएकोमा प्रहरी निरीक्षक रमेश सापकोटालाई धन्यबाद व्यक्त गर्नुहुर्दै अवकाश पश्चातको पारिवारिक तथा सामाजिक सुखमय जीवनका लागी समेत शुभकामना व्यक्त गर्नुभयो । साथै अवकासपछीको जीवनमा पनि राष्ट्र र समाजको हितको लागि नेतृत्वदायी भुमिका निर्वाह गर्दै पुर्व प्रहरीको रुपमा नेपाल प्रहरीको साखलाई उच्च राख्ने कार्य गर्न सुझाव समेत दिनु भयो ।

    प्रहरी निरीक्षक रमेश सापकोटाले प्रहरी सेवामा रहदा प्राप्त गरेका अनुभव,अवसर र चुनौतीको सम्बन्धमा  मन्तव्य प्रस्तुत गर्नु भएको उक्त कार्यक्रममा प्रहरी वरिष्ठ उपरीक्षक शेखर खनाल,प्रहरी वरिष्ठ उपरीक्षक दीप शम्शेर ज.ब.रा., प्रहरी वरिष्ठ उपरीक्षक प्रविण धिताल, सिनियर प्रहरी अधिकृतहरू लगायत अन्य प्रहरी कर्मचारीहरूको उपस्थिति रहेको थियो ।