काठमाडौं, १२ असोज   

 काठमाडौं उपत्यका प्रहरी कार्यालयका कार्यालय प्रमुख प्रहरी अतिरिक्त महानिरीक्षक  दान बहादुर कार्कीद्वारा विजया दशमी २०८२ को अवसरमा आईतबार मातहत प्रहरी कर्मचारीहरुलाई शुभकामना व्यक्त गर्नु भएको छ ।

मातहत कर्मचारीहरुलाई शुभकामना पश्चात निर्देशन सम्बोधन गर्दै प्रहरी अतिरिक्त महानिरीक्षक कार्कीले २०८२ सालका पर्वहरु मध्ये विजया दशमी, दिपावली, छठ लगायत नेपाल संवत् ११४६ लाई काठमाडौं उपत्यका वासी सम्पुर्ण नागरिकले सुरक्षित र भय रहित रुपमा चाडपर्व मनाउने वातावरण निर्माण गरी काठमाडौं उपत्यकालाई थप सुरक्षित बनाउन समेत निर्देशन दिनुभयो ।

कार्यक्रममा प्रहरी नायव महानिरीक्षक ओम बहादुर राना, वरिष्‍ठ प्रहरी अधिकृतहरू लगायतका प्रहरी कर्मचारीहरुको  उपस्थिति रहेको थियो ।