फागुन २८,

     काठमाडौं उपत्यका प्रहरी कार्यालय रानीपोखरीका कार्यालय प्रमुख प्रहरी अतिरिक्त महानिरीक्षक टेक बहादुर तामाङको प्रमुख आतिथ्यतामा सुरक्षित काठमाडौं उपत्यका : हाम्रो भूमिका, दायित्व र चुनौती विषयक अन्तरकृया तथा छलफल कार्यक्रम सम्पन्न भएको छ ।

  काठमाडौं उपत्यकाको शान्ति सु-व्यवस्था कायम राख्ने, अपराधको रोकथाम तथा नियन्त्रण गर्ने, विशिष्टिकृत तथा वैज्ञानिक प्रविधिको प्रयोगमा वृद्धि गर्ने, अपराध अनुसन्धानमा स्रोत साधन र क्षमता अभिवृद्धि गर्दै प्रमाणमुखी तथा प्रविधिमैत्री अनुसन्धानमा जोड दिने, खतराको मुल्याङकन(Threat Analysis)को आधारमा  सुरक्षाको वर्गीकरण गरी वैज्ञानिक प्रविधिको अधिकतम प्रयोग गर्ने, भौतिक स्रोत साधनको व्यवस्थापनको साथ-साथै प्रहरी कर्मचारीहरुमा व्यवसायिक सुदृढीकरणको माध्यमबाट प्रहरी सेवामा गुणस्तर वृद्धि गरी काठमाडौं उपत्यकाको शान्ति सु-व्यवस्था कायम राख्न काठमाडौं उपत्यका प्रहरी कार्यालयले सुरक्षित काठमाडौं उपत्यका (Safer Kathmandu Valley) को अवधारणा अघि सारि अभियानसँग सम्बन्धित विभिन्न सरोकारवाला निकायहरु संग अन्तर्क्रिया तथा छलफल गरी प्राप्त सुझावका आधारमा त्रिवर्षिय कार्ययोजना निर्माण प्रयोजनार्थ आजको कार्यक्रम आयोजना गरिएको थियो ।

    कार्यक्रममा यस अभियान संग सम्बन्धित नेपाल चेम्वर अफ कमर्श, नेपाल यातायात व्यवसायी महासंघ, नेपाल सुनचाँदी व्यवसायी संघ, नेपाल यातायात स्वतन्त्र मजदूर संघ, अखिल नेपाल यातायात मजदूर संघ उपत्यका ट्याक्सी विशेष समिति, नेपाल यातायात मजदूर संग, नेपाल मीटर ट्याक्सी संघ, नेपाल वैदेशिक रोजगार व्यवसायी संघ, PABSON, NPABSON, HISSAN, Fishtail Security Company, British Security Service, HAN, NATT,TAAN, नेपाल पत्रकार महासंघ काठमाडौं, अभिभावक महासंघ, कालीमाटी तथा तरकारी व्यवसायी संस्था, नेपाल उपभोक्ता महासंघ/ मञ्च, नेपाल बैकर्स संघ, पूर्व प्रहरी उपत्यका समन्वय समिति, सामुदायिक सेवा केन्द्र तथा सामुदायिक प्रहरी सेवा कन्द्र टुडालदेवी तथा इचंगुनारायण, काठमाडौं रात्रिकालिन व्यवसायी संघ, ढुवानी व्यवसायी संघ, रेष्टुरेण्ट व्यवसायी संघ, ठमेल पर्यटक विकास परिषद, नेपाल लोक दोहोरी व्यवसायी संघ, क्लव डिस्को व्यवसायी संघ नेपाल, दोहोरी साँझ कोटेश्वर एरिया, नेपाल उधोग वाणिज्य संघ काठमाडौं, नेपाल औषधी व्यवसायी  महासंघ, अखिल नेपाल यातायात मजदुर संघका प्रमुख तथा प्रतिनिधिहरुको निमन्त्रणा रहेको कार्यक्रममा उपस्थित प्रतिनिधिहरुले आफ्नो राय तथा सुझावहरु राख्नु भएको थियो ।

     कार्यक्रममा उपस्थित अतिथिहरुबाट उठेका राय तथा सुझावहरुको सम्बोधन गर्नुहुदै काठमाडौं उपत्यका प्रहरी कार्यालय रानीपोखरीका कार्यालय प्रमुख प्रहरी अतिरिक्त महानिरीक्षक टेक बहादुर तामाङले अभियानसँग सम्बन्धित विभिन्न सरोकारवाला निकायहरुका प्रमुख तथा प्रतिनिधिहरुको अमूल्य सुझावले यस अभियानलाई सफल र सार्थक तुल्याउन अहम् भूमिका खेल्ने विश्वास व्यक्त गर्नु भयो ।  साथै आगामी दिनहरुमा समेत यस अभियानलाई थप समय सापेक्ष तथा व्यवस्थित बनाउन अन्य सरोकारवाला निकायहरुलाई समेत समेटनुका साथै प्राप्त राय सुझावहरुको सम्बन्धमा थप अध्ययन गरी व्यवहारमा लागू गर्ने प्रतिवद्वता व्यक्त गर्नु भयो ।

   सुरक्षित काठमाडौं उपत्यका निर्माणको सम्बन्धमा काठमाडौं उपत्यका प्रहरी कार्यालय रानीपोखरीका प्रहरी उपरीक्षक प्रविण धितालले प्रस्तुतीकरण प्रस्तुत गर्नुभएको उक्त कार्यक्रममा काठमाण्डौ उपत्यका ट्राफिक प्रहरी कार्यालयका कार्यालय प्रमुख प्रहरी वरिष्ठ उपरीक्षक विनोद धिमिरे, जिल्ला प्रहरी परिसर काठमाडौंका कार्यालय प्रमुख प्रहरी वरिष्ठ उपरीक्षक विश्व अधिकारी, काठमाडौं उपत्यका प्रहरी कार्यालयका प्रहरी वरिष्ठ उपरीक्षक शेखर खनाल, त्रिभुवन अन्तर्राष्ट्रिय विमानस्थल सुरक्षा कार्यालयका कार्यालय प्रमुख प्रहरी वरिष्ठ उपरीक्षक सोमेन्द्र सिंह राठौर, काठमाण्डौ उपत्यका अपराध अनुसन्धान कार्यालयका कार्यालय प्रमुख प्रहरी वरिष्ठ उपरीक्षक रमेश कुमार बस्नेत,  जिल्ला प्रहरी परिसर ललितपुरका कार्यालय प्रमुख प्रहरी वरिष्ठ उपरीक्षक श्याम कृष्ण अघिकारी, काठमाडौं उपत्यका प्रहरी कार्यालयका प्रहरी वरिष्ठ उपरीक्षक नवराज अधिकारी,  सिनियर प्रहरी अधिकृतहरू तथा अभियानसँग सम्बन्धित विभिन्न सरोकारवाला निकायका प्रमुख तथा प्रतिनिधिहरुको उपस्थिति रहेको थियो ।