अवैध लागूऔषध सहित १ जना पक्राउ

२०८३-०३-२२

A
A^-
A⁺

काठमाडौं महानगरपालिका-१४ कलंकी शान्तिमार्ग डेरा गरी बस्ने २७ वर्षीय सुरज श्रेष्ठलाई अवैध लागूऔषध ब्राउनसुगर जस्तो देखिने पदार्थ करिब १ ग्राम ९ सय मिलिग्राम र गाँजा करिब ६२ ग्राम सहित आइतबार दिउँसो प्रहरीले पक्राउ गरेको छ । प्रहरी वृत्त कालिमाटीबाट खटिएको प्रहरीले उनको कोठा तलासी गर्दा उक्त लागूऔषध फेला पारी पक्राउ गरेको हो ।

यस सम्बन्धमा प्रहरीले आवश्यक अनुसन्धान गरिरहेको छ ।

सम्बन्धित समाचार

अवैध लागूऔषध खैरो हेरोइन सहित एक जना पक्राउ

२०८३-०३-२२

काठमाडौं, चन्द्रागिरी नगरपालिका-२ नागढुङ्गाबाट अवैध लागूऔषध खैरो हेरोइन जस्तो देखिने पदार्थ ५ ग्राम ४ सय १० मिलिग्राम सहित उदयपुर बेलका नगरपालिका-१ बस्ने ३१ वर्षीय संजिब खड्कालाई सोमबार बिहान प्रहरीले पक्राउ गरेको छ ।प्रहरी प्रभाग नागढुङ्गा र लागूऔषध नियन्त्रण ब्यूरो शाखा कार्यालय नागढुङ्गाबाट खटिएको प्रहरीले काँकरभिट्टाबाट काठमाडौंतर्फ आउँदै गरेको प्र.०१-०२-००२ ख ०५४१ नम्बरको बसमा सवार उनलाई उक्त पदार्थ सहित पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।

‘लागु औषधमुक्त युवा, मानव बेचबिखनमुक्त समाज- सुरक्षित भविष्य, समृद्ध नेपाल ।’ भन्ने मुल नाराका साथ प्रभात फेरी कार्यक्रम सुभारम्भ ।

२०८३-०३-२२

काठमाडौं उपत्यका प्रहरी कार्यालय, रानीपोखरीका कार्यालय प्रमुख प्रहरी अतिरिक्त महानिरीक्षक सुशील सिंह राठौरज्यूको प्रमुख आतिथ्यतामा प्रहरी प्रभाग गोंगबुँमा नव-निर्मित दुर्गा भगवती मुर्तीको प्राण प्रतिष्ठा ‘समुदाय प्रहरी साझेदारी’ कार्यक्रमलाई लक्षित गरी प्रहरी वृत्त, महाराजगंज, प्रहरी प्रभाग र सामुदायिक सेवा केन्द्र तथा सामुदायिक प्रहरी सेवा केन्द्र, गोंगबुँको आयोजना र अनाहत नेपालको सहकार्यमा आयोजित “सुरक्षित समाज निर्माणका लागि आन्तरिक मानव बेचबिखन नियन्त्रण तथा लागु औषध दुर्व्यसनविरुद्ध साप्ताहिक कार्यक्रम” अन्तर्गत नयाँ बसपार्कबाट प्रभात फेरी कार्यक्रम सुरू भई सामुदायिक सेवा केन्द्र तथा सामुदायिक प्रहरी सेवा केन्द्र, गोंगबुँको भवनमा गई शुभारम्भ गरिएको छ । उक्त कार्यक्रममा जिल्ला प्रहरी परिसर, काठमाडौंका प्रहरी वरिष्ठ उपरीक्षक दिलिप घिमिरे, नेपाल यातायात व्यवसायी महासंघका अध्यक्ष पुण्य प्रसाद सिटौला, स्थानीय जनप्रतिनिधि, विभिन्न संघ-संस्थाका प्रतिनिधि र संचारकर्मीहरू लगायतको उपस्थिति रहेको थियो ।

बैंकिङ कसुर मुद्दाका फरार प्रतिवादी पक्राउ

२०८३-०३-२०

काठमाडौं, बैंकिङ कसुर मुद्दाका फरार प्रतिवादी काठमाडौं चन्द्रागिरी नगरपालिका-८ बस्ने सोही नगरपालिका-७ घर भएका ४८ वर्षीय कृष्ण नगरकोटीलाई शुक्रबार प्रहरीले पक्राउ गरेको छ । जिल्ला अदालत काठमाडौंबाट उक्त मुद्दामा पक्राउ पुर्जी जारी भई फरार रहेका उनलाई काठमाडौं उपत्यका अपराध अनुसन्धान कार्यालय टेकुबाट खटिएको प्रहरीले काठमाडौं महानगरपालिका-१५ स्वयम्भूबाट पक्राउ गरेको हो । उनलाई आवश्यक अनुसन्धान तथा कारबाहीको लागि प्रहरी वृत्त महाराजगंज काठमाडौं पठाइएको छ ।

वैदेशिक रोजगारीमा विभिन्न देश पठाइदिन्छु भन्दै ठगी गर्ने दुई जना पक्राउ

२०८३-०३-२०

काठमाडौं, वैदेशिक रोजगारीमा आकर्षक तलबको प्रलोभनमा पारी विभिन्न देश पठाइदिन्छु भन्दै रकम ठगी गरेको अभियोगमा २ जनालाई प्रहरीले पक्राउ गरेको छ । पक्राउ पर्नेहरूमा काठमाडौं महानगरपालिका-६ बस्ने काभ्रे घर भएका ३८ वर्षीय सरोज पन्त र टोखा नगरपालिका-३ बस्ने रामेछाप घर भएका २२ वर्षीय अनिल खत्री रहेका छन् । पक्राउ मध्ये सरोजले आयरल्याण्ड पठाइदिन्छु भन्दै १ जना पीडितबाट १६ लाख रूपैयाँ र अनिलले युएई पठाइदिन्छु भन्दै ६ जना पीडितहरूबाट २३ लाख रूपैयाँ लिई सम्पर्कविहीन भएको भन्ने पीडितहरूको उजुरीको आधारमा काठमाडौं उपत्यका अपराध अनुसन्धान कार्यालय टेकुबाट खटिएको प्रहरीले सरोजलाई काठमाडौं महानगरपालिका-८ बाट शुक्रबार र अनिललाई टोखा नगरपालिका-६ बाट बिहीबार पक्राउ गरेको हो । उनीहरूलाई आवश्यक अनुसन्धान तथा कारबाहीको लागि वैदेशिक रोजगार विभाग ताहाचल काठमाडौं पठाइएको छ ।

प्रहरी हुँ भन्दै ठगी गर्ने व्यक्ति पक्राउ

२०८३-०३-२०

काठमाडौं, प्रहरी हुँ भन्दै ठगी गरेको अभियोगमा काठमाडौं महानगरपालिका-२६ गल्कोपाखा बस्ने इलाम, इलाम नगरपालिका-१० घर भएकी ३३ वर्षीया दिपिका बोहोरा (तामाङ) लाई बिहीबार प्रहरीले पक्राउ गरेको छ । दिपिकाले आफूलाई नेपाल प्रहरीको प्रहरी सहायक निरीक्षक हुँ भन्दै पोशाक लगाएको तस्बिर देखाई विभिन्न आश्‍वासन दिई आफ्नो ई-सेवा तथा मोबाइल बैंकिङमा पैसा राख्न लगाई निवेदकलाई झुक्यानमा पारी ठगी तथा आपराधिक लाभ लिने कार्यमा संलग्न रहेकी उनलाई काठमाडौं उपत्यका अपराध अनुसन्धान कार्यालय टेकुबाट खटिएको प्रहरीले काठमाडौं महानगरपालिका-२६ गंगबुबाट पक्राउ गरेको हो । उनलाई आवश्यक अनुसन्धान तथा कारबाहीको लागि जिल्ला प्रहरी परिसर काठमाडौं पठाइएको छ ।

स्वागत् तथा निर्देशन कार्यक्रम सम्पन्न

२०८३-०३-१९

नेपाल सरकार मन्त्रिपरिषद्को २०८३ असार १८ गतेको निर्णय अनुसार तालुक नेपाल प्रहरी प्रधान कार्यालय अपराध अनुसन्धान विभाग, नक्सालबाट काठमाडौं उपत्यका प्रहरी कार्यालय, रानीपोखरीमा सरूवा भई आजै हाजिर हुनुभएका प्रहरी अतिरिक्त महानिरीक्षक सुशील सिंह राठौरज्यूको यस कार्यालयमा स्वागत तथा निर्देशन कार्यक्रम सम्पन्न भएको छ । सो अवसरमा सम्बोधन गर्नुहुदै प्रहरी अतिरिक्त महानिरीक्षक सुशील सिंह राठौरज्यूले मातहत कार्यालय प्रमुखहरुलाई भ्रष्टाचार तथा अनुचित लेनदेनमा शून्य सहनशीलताको नीति पूर्ण रूपमा पालना गरी सेवाग्राहीहरूसँग शिष्ट र मर्यादित व्यवहार सहितको छिटो-छरितो सेवा प्रदान गर्न निर्देशन दिनुभयो । यसैगरी, काठमाडौं उपत्यकाको समग्र शान्ति सुरक्षालाई प्रभावकारी बनाउन अपराध अनुसन्धान तथा नियन्त्रण, सूचना संकलन, ट्राफिक व्यवस्थापन, विपद् व्यवस्थापन र प्रहरी जनशक्ति एवम् कार्यालय व्यवस्थापनमा विशेष ध्यान दिन समेत आवश्यक निर्देशन दिनुभयो । उक्त कार्यक्रममा यस कार्यालय तथा मातहत प्रहरी कार्यालयका कार्यालय प्रमुखहरू लगायत प्रहरी कर्मचारीहरूको उपस्थिती रहेको थियो ।