न्यूजिल्याण्ड पठाइदिन्छु भन्दै ठगी गर्ने व्यक्ति पक्राउ

२०८२-१२-१५

A
A^-
A⁺

काठमाडौं, वैदेशिक रोजगारीमा आकर्षक तलबको प्रलोभनमा पारी न्यूजिल्याण्ड पठाइदिन्छु भन्दै रकम ठगी गरेको अभियोगमा ललितपुर गोदावरी नगरपालिका-१९ बस्ने ३८ वर्षीय रिजेन नगरकोटीलाई शुक्रबार प्रहरीले पक्राउ गरेको छ ।

रिजेनले न्यूजिल्याण्ड पठाइदिन्छु भन्दै २ जना पीडितहरूबाट १६ लाख ३० हजार रूपैयाँ लिई सम्पर्कविहीन भएको भन्ने पीडितहरूको उजुरीको आधारमा काठमाडौं उपत्यका अपराध अनुसन्धान कार्यालय टेकुबाट खटिएको प्रहरीले उनलाई ललितपुर गोदावरी नगरपालिका-११ चापागाउँबाट पक्राउ गरेको हो ।

उनलाई आवश्यक अनुसन्धान तथा कारवाहीको लागि वैदेशिक रोजगार विभाग ताहाचल काठमाडौं पठाइएको छ ।

सम्बन्धित समाचार

अवैध लागूऔषध सहित ५ जना पक्राउ

२०८२-१२-१५

काठमाडौं, चन्द्रागिरी नगरपालिका-२ नागढुङ्गाबाट नियन्त्रित लागूऔषध ट्रामाडोल ३६ हजार ५ सय ट्याब्लेट सहित पर्सा पकहाँ मैनपुर गाउँपालिका-५ बस्ने २२ वर्षीय सतेन्द्र प्रसाद चौरासिया समेत ५ जनालाई आइतबार बिहान प्रहरीले पक्राउ गरेको छ । प्रहरी प्रभाग नागढुङ्गा र लागूऔषध नियन्त्रण ब्यूरो शाखा कार्यालय नागढुङ्गाबाट खटिएको प्रहरीले वीरगंजबाट काठमाडौंतर्फ आउँदै गरेको बा.प्र.०३-००६ ख १८०५ नम्बरको बसमा सवार उनीहरूलाई उक्त लागूऔषध सहित फेला पारी पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।

दर्ज्यानी चिन्ह सुशोभन कार्यक्रम सम्पन्न ।

२०८२-१२-१२

चैत १२ गते बुधबार काठमाडौं उपत्यका प्रहरी कार्यालयका प्रमुख प्रहरी अतिरिक्त महानिरीक्षक ईश्वर कार्कीज्यूको समुपस्थितिमा जनपद प्रहरीतर्फ प्रहरी वरिष्ठ नायव निरीक्षक पदबाट प्रहरी निरीक्षक पदमा पदोन्नती हुनु भएका प्रहरी निरीक्षक वसन्त कुमार दाहाललाई दर्ज्यानी चिन्हद्वारा सुशोभन कार्यक्रम सम्पन्न भएको छ । कार्यक्रममा प्रहरी नायव महानिरीक्षक ओम प्रसाद अधिकारी,प्रहरी वरिष्ठ उपरीक्षकहरु,प्रहरी उपरीक्षकहरु लगायत सिनियर प्रहरी अधिकृत तथा जुनियर प्रहरी अधिकृत लगायत अन्य प्रहरी कर्मचारीहरुको उपस्थिती रहेको थियो ।

प्रहरी अतिरिक्त महानिरीक्षक ईश्वर कार्कीद्वारा जिल्ला प्रहरी परिसर ललितपुरको निरीक्षण तथा निर्देशन कार्यक्रम सम्पन्न ।

२०८२-१२-११

काठमाडौं उपत्यका प्रहरी कार्यालयका कार्यालय प्रमुख प्रहरी अतिरिक्त महानिरीक्षक ईश्वर कार्कीद्वारा बुधबार जिल्ला प्रहरी परिसर ललितपुरको निरीक्षण तथा निर्देशन कार्यक्रम सम्पन्न भएको छ । जिल्ला प्रहरी परिसर ललितपुरका विभिन्न शाखाहरु, परिचालन कक्ष तथा अन्य संरचनाको निरीक्षण पश्चात उपस्थित जिल्ला प्रहरी परिसर ललितपुर मातहतका प्रहरी वृत्त, प्रभाग तथा बिटका प्रमुखहरु लगायतका प्रहरी कर्मचारीहरुलाई निर्देशन दिनु हुँदै प्रहरी अतिरिक्त महानिरीक्षक कार्कीले ललितपुर जिल्लामा बिभिन्न समयमा भएका मेला,पर्व,जुलुस,आन्दोलन र भर्खरै सम्पन्न भएको निर्वाचनमा महत्वपुर्ण भुमिका निर्वाह गरेकोमा धन्यबाद दिनुहुँदै प्रहरी कर्मचारीहरुले बिभिन्न समयमा आउने चुनौतीलाई प्रहरी कौशलताका साथ प्रस्तुत गर्ने अवसरको रुपमा सदुपयोग गरी प्रहरी कार्य सम्पादन गर्न निर्देशन दिनुभयो । साथै, नागरिक मैत्री प्रहरी सेवा प्रवाह गर्दै गैह्र कानूनी कृयाकलापलाई कडाईका साथ कानूनी दायरामा ल्याउन तथा भविष्यको चुनौतिलाई मध्यनजर गरी सूचना सङ्कलनलाई प्रभावकारी बनाउन, प्राप्‍त सूचनालाई प्रविधि र प्रहरीको प्रभावकारी परिचालन मार्फत सुरक्षित बनाउन समेत निर्देशन दिनुभयो । कार्यक्रममा जिल्ला प्रहरी परिसर ललितपुरका कार्यालय प्रमुख प्रहरी वरिष्ठ उपरीक्षक होबिन्द्र बोगटी, लगायत सिनियर प्रहरी अधिकृत, जुनियर प्रहरी अधिकृत तथा प्रहरी हवल्दार, जवानहरुको उपस्थिति रहेको थियो ।

प्रहरी अतिरिक्त महानिरीक्षक ईश्वर कार्कीद्वारा जिल्ला प्रहरी परिसर काठमाडौंको निरीक्षण तथा निर्देशन कार्यक्रम सम्पन्न ।

२०८२-१२-१०

काठमाडौं उपत्यका प्रहरी कार्यालयका कार्यालय प्रमुख प्रहरी अतिरिक्त महानिरीक्षक ईश्वर कार्कीद्वारा मंगलबार जिल्ला प्रहरी परिसर काठमाडौंको निरीक्षण तथा निर्देशन कार्यक्रम सम्पन्न भएको छ । जिल्ला प्रहरी परिसर काठमाडौंको विभिन्न शाखाहरु, परिचालन कक्ष तथा अन्य संरचनाको निरीक्षण पश्चात उपस्थित जिल्ला प्रहरी परिसर काठमाडौं मातहतका वृत्त, प्रभाग तथा बिटका प्रमुखहरु लगायतका प्रहरी कमचारीहरुलाई निर्देशन दिनु हुँदै प्रहरी अतिरिक्त महानिरीक्षक कार्कीले काठमाडौं जिल्लामा VVIP तथा VIP हरुको बसोबास रहेको साथै Vital Installations समेत रहेकाले यस जिल्ला घट्ने हरेक घटनाहरुमा हरेक निकाय तथा क्षेत्रको विशेष चासोको रुपमा हुने हुदाँ यहाँ कार्यरत प्रहरी कर्मचारीहरुले यस चुनौतीलाई प्रहरी कौशलता प्रस्तुत गर्ने अवसरको रुपमा सदुपयोग गरी आफ्नो नेतृत्व क्षमता प्रस्तुत गरी उत्कृष्ठ ढंगले प्रहरी कार्य सम्पादन गर्न निर्देशन दिनुभयो । साथै, नागरिक मैत्री प्रहरी सेवा प्रवाह गर्दै गैर-कानूनी क्रियाकलापलाई कडाईका साथ कानूनी दायरामा ल्याउन तथा भविष्यको चुनौतिलाई मध्यनजर गरी सूचना सङ्कलनलाई प्रभावकारी बनाउन, प्राप्‍त सूचनालाई प्रविधि र प्रहरीको प्रभावकारी परिचालन मार्फत काठमाडौं उपत्यकालाई सुरक्षित बनाउन समेत निर्देशन दिनुभयो । कार्यक्रममा जिल्ला प्रहरी परिसर काठमाडौंका कार्यालय प्रमुख प्रहरी वरिष्ठ उपरीक्षक रमेश थापा लगायत सिनियर प्रहरी अधिकृत, जुनियर प्रहरी अधिकृत तथा प्रहरी हवल्दार, जवानहरुको उपस्थिति रहेको थियो ।

प्रहरी नायव महानिरीक्षक ओम प्रसाद अधिकारीज्यूबाट नेपाल पुलिस स्कुलमा निर्माण भएको सरस्वती मन्दिरको समुद्‍घाटन भएको छ ।

२०८२-१२-०९

विद्या, बुद्धि, कला र संगीतकी देवी सरस्वतीको साधनाद्वारा विद्यार्थीहरूको ज्ञान आर्जनको कामना सहित नेपाल पुलिस स्कुल सामाखुसीको परिसरमा निर्माण सम्पन्न पश्चात सरस्वती मन्दिरको आज एक कार्यक्रमका बिच काठमाडौं उपत्यका प्रहरी कार्यालय,रानीपोखरीका प्रहरी नायव महानिरीक्षक ओम प्रसाद अधिकारीज्यूबाट उद्‌घाटन भएको छ । सरस्वती मन्दिरको निर्माणमा सहयोग गर्ने विभिन्न क्षेत्रका व्यक्तित्वहरुलाई सम्मान गरिएको उक्त कार्यक्रममा नेपाल पुलिस स्कुल सामाखुसीका निमित्त प्राचार्य, समादेशक, शिक्षक, शिक्षिका,विद्यार्थीहरू प्रहरी कर्मचारीहरूको सहभागि रहेको थियो ।

प्रहरी अतिरिक्त महानिरीक्षक ईश्वर कार्कीको प्रमुख आतिथ्यतामा त्रिभुवन अन्तर्राष्ट्रिय विमानस्थल सुरक्षा कार्यालयको निरीक्षण तथा निर्देशन कार्यक्रम सम्पन्न ।

२०८२-१२-०५

काठमाडौं उपत्यका प्रहरी कार्यालयका कार्यालय प्रमुख प्रहरी अतिरिक्त महानिरीक्षक ईश्वर कार्कीद्वारा बिहिवार त्रिभुवन अन्तर्राष्ट्रिय विमानस्थल सुरक्षा कार्यालय, गौचर काठमाडौंको निरीक्षण तथा निर्देशन कार्यक्रम सम्पन्न भएको छ । निर्देशन कार्यक्रमलाई सम्बोधन गर्नुहुँदै प्रहरी अतिरिक्त महानिरीक्षक कार्कीले त्रिभुवन अन्तर्राष्ट्रिय विमानस्थलको सुरक्षा चुनौतीपूर्ण हुने तथा अन्तर्राष्ट्रिय विमानस्थलमा कार्यरत सुरक्षाकर्मीको कृयाकलापल, वोलीबचन तथा आचरणले सिङ्गो राष्ट्रलाई प्रतिनिधित्व गर्ने हुदा यहाँ कार्यरत प्रहरी कर्मचारीहरुले उच्च मनोवल र ‍ पूर्ण व्यवसायिक तवरले प्रहरी कार्य गर्न निर्देशन दिनु भयो । कार्यक्रममा त्रिभुवन अन्तर्राष्ट्रिय विमानस्थल सुरक्षा कार्यालयका कार्यालय प्रमुख प्रहरी वरिष्ठ उपरीक्षक वसन्त रजौरे लगायत सिनियर प्रहरी अधिकृत, जुनियर प्रहरी अधिकृत तथा प्रहरी हवल्दार, जवानहरुको उपस्थिति रहेको थियो ।