पेस्तोल सहित १ जना पक्राउ

२०८२-११-०१

A
A^-
A⁺

प्रहरी प्रभाग नागढुङगाबाट खटिएको प्रहरी टोलीले पेस्तोल सहित नागढुङ्गा चेक प्वाईन्टबाट आज १ जनालाई नियन्त्रणमा लिएको छ ।

चितवन देखी काठमाण्डौ तर्फ आउदै गरेको बा १९ च ६९० नम्बरको कारलाई प्रहरी प्रभाग नागढुङगाबाट खटिएको प्रहरी टोलीले शंका लागी चेकजाँच गर्ने क्रममा हतियार फेला पारी नियन्त्रणमा लिएको हो । पक्राउ पर्नेमा काठमाण्डौ किर्तिपुर नगरपालिका वडा नं.२ बस्ने ३० बर्षिय केयुर पुरी रहेका छन ।

पुरीको झोलाबाट Made in USA लेखिएको पेस्तोल र उक्त पेस्तोलमा प्रयोग हुने ४ (चार ) राउण्ड गोली फेला पारेको र घटनाको समबन्धमा आवस्यक अनुसन्धान भै रहेको छ ।

सम्बन्धित समाचार

हंगेरी पठाइदिन्छु भन्दै ठगी गर्ने व्यक्ति पक्राउ

२०८२-११-०१

काठमाडौं, वैदेशिक रोजगारीमा आकर्षक तलबको प्रलोभनमा पारी हंगेरी पठाइदिन्छु भन्दै रकम ठगी गरेको अभियोगमा गोकर्णेश्वर नगरपालिका-८ बस्ने दोलखा कालिन्चोक गाउँपालिका-४ घर भएका ५६ वर्षीय महेश तामाङलाई शुक्रबार प्रहरीले पक्राउ गरेको छ । महेशले हंगेरी पठाइदिन्छु भन्दै १ जना पीडितबाट ३ लाख रूपयाँ लिई सम्पर्कविहीन भएको भन्ने पीडितको उजुरीको आधारमा काठमाडौं उपत्यका अपराध अनुसन्धान कार्यालय टेकुबाट खटिएको प्रहरीले उनलाई काठमाडौं महानगरपालिका-१२ बाट पक्राउ गरेको हो । उनलाई आवश्यक अनुसन्धान तथा कारवाहीको लागि वैदेशिक रोजगार विभाग ताहाचल काठमाडौं पठाइएको छ ।

प्राविधिक प्रहरी उपरीक्षक पशुपती कुमार राय र प्राविधिक प्रहरी नायव उपरीक्षक सुरेस कुमार थापाको बिदाई कार्यक्रम सम्पन्न ।

२०८२-१०-२९

आज मिति २०८२/१०/२९ गते, काठमाडौं उपत्यका प्रहरी कार्यालयका कार्यालय प्रमुख प्रहरी अतिरिक्त महानिरीक्षक ईश्वर कार्कीले सेवानिवृत्त हुन लाग्नु भएका प्राविधिक प्रहरी उपरीक्षक पशुपती कुमार राय र प्राविधिक प्रहरी नायव उपरीक्षक सुरेस कुमार थापालाई यस कार्यालयको तर्फबाट “खादा तथा मायाको चिनो” प्रदान गरि बिदाई गर्नु भएको छ । बिदाई समारोहलाई सम्बोधन गर्नुहुदै प्रहरी अतिरिक्त महानिरीक्षक कार्कीले प्राविधिक प्रहरी उपरीक्षक पशुपती कुमार राय र प्राविधिक प्रहरी नायव उपरीक्षक सुरेस कुमार थापाले आम नागरीकलाई न्याय र सुरक्षाको प्रत्याभूती प्रदान गर्न संगठनले सुम्पेको जिम्मेवारी व्यवसायिक रूपमा निर्वाह गर्नु भएको भुमिका नेपाल प्रहरी संगठनले सधै स्मरण गर्ने बताउनु हुदै नेपाल प्रहरी तथा काठमाडौं उपत्यका प्रहरी कार्यालय र आफ्नो व्यक्तिगत तर्फबाट प्रहरी अधिकृतद्वयलाई धन्यबाद व्यक्त गर्नु भयो । साथै अवकाश पश्चातको पारिवारिक तथा सामाजिक सुखमय जीवनका लागी शुभकामना समेत व्यक्त गर्नुभयो । प्रहरी अधिकृतद्वय प्राविधिक प्रहरी उपरीक्षक पशुपती कुमार राय र प्राविधिक प्रहरी नायव उपरीक्षक सुरेस कुमार थापाले प्रहरी सेवामा रहदा प्राप्त गरेका अनुभव,अवसर र चुनौतीको सम्बन्धमा मन्तव्य प्रस्तुत गर्नु भएको उक्त कार्यक्रममा प्रहरी नायव महानिरीक्षक ओम प्रसाद अधिकारी, प्रहरी वरिष्ठ उपरीक्षकहरू, प्रहरी उपरीक्षकहरू, सिनियर प्रहरी अधिकृतहरू लगायत अन्य प्रहरी कर्मचारीहरूको उपस्थिति रहेको थियो ।

लागु औषध सहित मानिस नियन्त्रणमा

२०८२-१०-२७

(परिसर ललितपुर) मिति २०८२।१०।२६ गते अं. २०:१० बजेको समयमा जिल्ला ललितपुर ललितपुर महानगरपालिका १४ कान्तिपुर कोलोनी स्थित बालकुमार अछामीको टिनको टहरा निम्न ३ जना व्यक्तिहरुले लागु औषध संचित खरिद बिक्री तथा सेवन गर्ने प्रयोजनको लागी संयुक्तरुपमा भाडामा लिएको भनि बिशेष सुचना प्राप्त हुना साथ तत्काल जिल्ला प्रहरी परिसर जावलाखेल र वृत सातदोबाटो बाट प्र.ना.उ.पुर्णिमा चन्द को कमाण्डमा खटिएको प्रहरी टोलीले टहरा कोठा खानतलासी गर्दा निम्न लागु औषध सहित २ जना लाई नियन्त्रणमा लिई थप अनुसन्धान गर्दै जाँदा पक्राउ परेको घनश्याम बि.क. छुट्टै कोठा लिई परिवार सहित बस्दै आएको भनिएको जिल्ला ललितपुर ललितपुर महानगरपालिका २६ ढोलाहिटी स्थित डेरा कोठा खानतलासी गर्दा थप निम्न लागु औषध नियन्त्रणमा लिई वृत सातदोबाटो ल्याई राखेको, थप अनुसन्धान कार्य भई रहेको, निम्न नियन्त्रणमा रहेका मानिसहरु :- १) जिल्ला उदयपुर चौदण्डीगढी नगरपालीका वडा न. ६ स्थाई घर भई जिल्ला ललितपुर म.न.पा. २६ ढोलाहिटी बस्ने वर्ष २५ को घनस्याम बि.क २) जिल्ला रौतहट राजदेवी नगरपालिका वडा नम्बर ६ स्थाई घर भई चन्द्रागिरी नगरपालीका वडा न ९ त्रिभुवनपार्क बस्ने वर्ष ४८ को मोहम्द तनविर मिक्रानी३) पछि नाम थर वतन खुल्न आएको जिल्ला खोटाङ साकेला गा.पा.२ घर भई हाल जिल्ला ललितपुर म.न.पा. २६ ढोलाहिटी बस्ने बर्ष २६ को समिर राई ( हाल फरार रहेको, खो.त. कार्य भई रहेको) जम्मा बरामद लागु औषध र सामानहरु :-१) खैरो हिरोईन ११.१२ ग्राम प्लाष्टिक सहित २) सानो डिजिटल तराजु थान २ ३) ट्रामाडोल ५०५३ क्याप्सुल४) नाईट्राभेट १२१ ट्याबलेट५) नगद रु ५१०० ६) OPPO Company A76 model १ थान, MOTO-G06 Model १ थान

प्रहरी कर्मचारीहरूलाई निर्वाचन लक्षित अनुशिक्षण तालिम सम्पन्न

२०८२-१०-२६

आसन्न प्रतिनिधिसभा सदस्य निर्वाचनको सुरक्षार्थ खटिने प्रहरी कर्मचारीहरूलाई निर्वाचन लक्षित अनुशिक्षण कार्यक्रम काठमाडौं उपत्यका प्रहरी कार्यालयमा सम्पन्न भएको छ । अनुशिक्षण तालिममा निर्वाचन सुरक्षा परिचय, प्रहरीको भूमिका, सुरक्षा व्यवस्थापन, निर्वाचनमा आई पर्न सक्ने समस्या, निर्वाचनमा प्रहरीको दायित्व, मतदान केन्द्रको निर्माण गर्दा ध्यान दिनु पर्ने कुराहरूलाई समावेश गरिएको छ । त्यस्तै अनुशिक्षण तालिममा निर्वाचन आचारसंहिता २०८२ अन्तर्गत सुरक्षा निकाय, सुरक्षाकर्मी तथा सुरक्षा सम्बद्ध कर्मचारीले पालना गर्नु पर्ने आचरण, निर्वाचन व्यवस्थापनमा सामाजिक सञ्जालको उपयोग सम्बन्धी नीति २०७७ लगायतका विषयमा प्रशिक्षण प्रदान गर्नुका साथै लामो तथा छोटो हतियार सम्बन्धी पुनःताजकी तालिम प्रदान गर्नुका साथै नमुना मतदान सुरक्षा अभ्यास समेत संचालन गरिएको थियो । बिभिन्न चरणमा सम्पन्न भएको प्रशिक्षणमा यस कार्यालयका सम्पूर्ण प्रहरी कर्मचारीहरूको उपस्थिती रहेको थियो ।

ठुलो आवाज निकाल्ने तथा स्वरुप परिवर्तन गर्ने ८ ओटा मोटरसाईकल ट्राफिक प्रहरीको नियन्त्रणमा

२०८२-१०-२५

ध्वनि प्रदुषण तथा स्वरुप परिवर्तन विरुद्धको विषेश कारवाही अभियान अन्तर्गत ठुलो आवाज निकाली ध्वनि प्रदुषण गराउने तथा स्वरुप परिवर्तन गर्ने ८ ओटा मोटरसाईकललाई ट्राफिक प्रहरीले शुक्रवार ट्राफिक प्रहरीद्वारा नियन्त्रणमा लिएको छ । काठमाडौँ उपत्यकाको नेपालटार डाँडागाँउ स्थित सडक खण्डमा गरिएको बिशेष चेकिङको क्रममा ८ ओटा ठुलो आवाज निकाल्ने तथा स्वरुप परिवर्तन गर्ने मोटरसाईकललाई ट्राफिक प्रहरीले नियन्त्रणमा लिएको हो । नियन्त्रणमा लिईएका सवारी साधनलाई यातायात व्यवस्था ऐन २०४९ अनुसार कारवाही गरिनेछ ।

श्रृङ्खलाबद्ध चोरीमा संलग्न मानिस नियन्त्रणमा

२०८२-१०-२२

काठमाडौंको विभिन्न स्थानहरूमा दिउँसोको समयमा घरमा कोही नभएको मौका पारी घरबाट नगद तथा सुन चाँदीका गर-गहना चोरी गर्ने नेपालगन्ज उपमहानगरपालिका -०३ घर भइ काठमाडौंको सितापाईला बस्ने वर्ष ४१ को सुप्रिम विकास तथा सौरभ चौधरी भन्ने प्रेम थारूलाई नियन्त्रणमा लिएको छ । जिल्ला प्रहरी परिसर काठमाडौंबाट खटिएको प्रहरी टोलीले चोरी गर्ने मानिसको खोजतलास गर्ने क्रममा मिति २०८२।१०।२१ गते अन्दाजी २३:२५ बजेको समयमा जिल्ला काठमाडौं, नागार्जुन नगरपालिका-०६ पुरी गाउँ स्थित सडक खण्डमा शङ्कास्पद व्यक्तिलाई चेकजाँच गर्ने क्रममा प्रहरी माथि नै आक्रमण समेत गरेको निजलाई नियन्त्रणमा लिई सोधपुछ गर्दा निज प्रतिवादी २०७९।०८।२९ गते प्रहरी वृत्त बौद्धबाट २ वटा चोरी कसुरमा पक्राउ परी कारागार चलान भइ ३ वर्ष कैद भुक्तान गरेको समेत अभिलेखमा देखिएको र उक्त किसिमका चोरीका घटनाको सम्बन्धमा ८८ तोला सुन, ९९ तोला चाँदी, २ तोला डाइमण्ड, विभिन्न देशका मुद्रा लगायत सहित अ. रु. ३,०६,१४,२००।- रुपैयाँ बराबरको चोरी भएको बिगो सहित हालसम्म ९ जना पीडित सम्पर्कमा आएको । बरामद दसीका सामानहरू१. सुन - ७६४.३५ ग्राम२. चाँदी - ११५९.२६ ग्राम३. नेपाली रुपैयाँ १ लाख ६३ हजार ६ सय ५५ रुपैयाँ४. Dimond - १५.२६ ग्राम ५. USD ११०$६. भारतीय रुपयेँ ५५०० ७. चाईनिज युआन ८२ ८. श्रीलंका रु. २० ९. मलेसियन रिङेट ३ १०. ओमन रियाल १०० ११. कतारी रियाल १६ १२. थाईल्याड भाट ४० १३. जापानिज येन १०० १४. साउदी रियाल २ १५. हङ्कङ डलर १०