गौशालाबाट मयुर यातायातको बसमा पकेटमारी गर्ने ४ जना नियन्त्रणमा

२०८२-०९-२४

A
A^-
A⁺

बाग्लुङ घर भई काठमाडौं मित्रनगर बस्ने ३७ वर्षीय दिपेन्द्र शर्माले पकेटमारी भएको भनि मिती २०८२।०९।२३ गते ११ बजे निजले बोकेको कालो रङको साईट ब्यागमा राखेको नगद रू. २ लाख ७५ हजार हराएको विषयमा दिएको निवेदनमा अनुसन्धान गर्दा सोही दिन बेलुकी ५ बजे पकेटमारी कार्यमा संलग्न ४ जनालाई उपलव्ध श्रोत साधन र प्रविधीको प्रयोग गरी प्रहरीले पक्राउ गरेको छ । पक्राउ पर्नेमा ३७ वर्षीय सरोज खड्का, ४२ वर्षीय बिकाश लामा, ३३ वर्षीय राजु गुरुङ र ३३ वर्षीय सुवास मगर रहेका छन । पक्राउ परेका उनिहरुको साथबाट नगद सहित अन्य

सम्बन्धित समाचार

सिसिटिभी सम्बन्धि अत्यावस्यक सामग्री हस्तान्तरण कार्यक्रम

२०८२-०९-२३

काठमाडौं, २३ पुस काठमाडौं उपत्यका प्रहरी कार्यालयमा बुधबार सिसिटिभी जडान तथा मर्मत सम्बन्धि आवश्यक सामग्री हस्तान्तरण कार्यक्रम सम्पन्न भएको छ । उक्त कार्यक्रममा काठमाडौं उपत्यका प्रहरी कार्यालय रानीपोखरीका प्रमुख प्रहरी अतिरिक्त महानिरीक्षक ईश्वर कार्कीलाई CS sales of services PVT LTD कम्पनीका CEO रंजित सिंहले संस्थाको तर्फबाट आवस्यक सामग्री हस्तान्तरण गर्नु भएको हो । कार्यक्रममा कम्पनिका CEO रंजित सिंहले हर प्रहर देश र नागरिकको सेवामा अग्रपङ्क्तिमा खटिने नेपाल प्रहरीलाई सहयोग प्रदान गर्न पाएकोमा खुसी व्यक्त गर्नु भयो । साथै उहाँले आगामी दिनमा समेत नेपाल प्रहरीसँग यस्ता कार्यमा सहयोग गर्न निरन्तर प्रतिबद्ध रहेको बताउनु भयो । प्रहरी अतिरिक्त महानिरीक्षक कार्कीले काठमाडौं उपत्यका प्रहरी कार्यालय र CS sales of services PVT LTD ले बिगत देखि नै सहकार्य गर्दै आएको र उहाँहरुको सेवा अत्यन्तै राम्रो रहेको स्मरण गर्दै उहाँले आगामी दिनमा समेत निरन्तर रुपमा संस्थागत सहयोगको अपेक्षा गर्दै धन्यबाद ब्यक्त गर्नु भयो । कार्यक्रममा प्रहरी नायव महानिरीक्षक ओम प्रसाद अधिकारी, प्रहरी वरिष्ठ उपरीक्षकहरु,प्रहरी उपरिक्षकहरु, प्रहरी नायव उपरीक्षकहरु, प्रहरी निरिक्षकहरुका साथै अन्य प्रहरी कर्मचारीहरुको उपस्थिति रहेको थियो ।

प्रहरी नायव उपरीक्षक चित्र बहादुर भट्टराईको बिदाई कार्यक्रम ।

२०८२-०९-२३

काठमाडौं, २३ पुस काठमाडौं उपत्यका प्रहरी कार्यालयका प्रमुख प्रहरी अतिरिक्त महानिरीक्षक ईश्वर कार्कीको प्रमुख उपस्थितीमा स्वेच्छिक अबकाश जान लाग्नु भएका प्रहरी नायव उपरीक्षक चित्र बहादुर भट्टराईको बिदाई कार्यक्रम सम्पन्न भएको छ । प्रहरी नायव उपरीक्षक भट्टराईलाई काठमाडौं उपत्यका प्रहरी कार्यालयको तर्फबाट प्रहरी अतिरिक्त महानिरीक्षक ईश्वर कार्कीले ढाकाटोपी,खादा तथा मायाको चिनो” प्रदान गरि बिदाई गर्नु भयो । बिदाई हुन लाग्नु भएका प्रहरी नायव उपरीक्षक चित्र बहादुर भट्टराईले आफु सेवामा रहदा प्राप्‍त गर्नुभएका अनुभव ,अवसर र चुनौतीको सम्बन्धमा आफ्ना बिचार राख्नु भयो । बिदाई समारोहलाई सम्बोधन गर्नुहुदै प्रहरी अतिरीक्त महानिरीक्षक कार्कीले यस पवित्र संगठनमा सेवा प्रवेश गरी देशका विभिन्न स्थानहरुमा आफूलाई तोकिएको जिम्मेवारी कुशलतापूर्वक सम्पन्न गरी संगठनमा पुर्‍याउनुभएको योगदानको उच्च कदर गर्नुका साथै अवकाश पश्चातको पारिवारिक तथा सामाजिक सुखमय जीवनका लागी समेत शुभकामना व्यक्त गर्नुभयो । उक्त कार्यक्रममा प्रहरी नायव महानिरीक्षक ओम प्रसाद अधिकारी,प्रहरी बरिष्ठ उपरीक्षकहरु,प्रहरी उपरीक्षकहरू,सिनियर प्रहरी अधिकृत लगायत अन्य प्रहरी कर्मचारीहरूको उपस्थिति रहेको थियो ।

दोस्रो प्रहरी महानिरीक्षक राष्‍ट्रिय तेक्वान्दो प्रतियोगिता, २०८२ समापन समारोह सम्पन्न

२०८२-०९-२१

काठमाडौं, २१ पुस नेपाल पुलिस स्कुल सामाखुसीको आयोजनामा २ दिवसिय “दोश्रो प्रहरी महानिरीक्षक राष्‍ट्रिय तेक्वान्दो प्रतियोगिता,२०८२” समापन समारोह प्रहरी महानिरीक्षक दान बहादुर कार्कीको प्रमुख आतिथ्यमा नेपाल पुलिस स्कुल सामाखुसीको प्राङ्गणमा सोमबार सम्पन्न भएको छ । मिति २०८२/०९/२० गतेबाट दुई दिनसम्म चलेको उक्त प्रतियोगितामा नेपाल भरका ४४ वटा विद्यालयका कुल ६५३ जना विद्यार्थीहरुको सहभागिता रहको थियो । कार्यक्रमका प्रमुख अतिथी प्रहरी महानिरीक्षक कार्कीले प्रतियोगिताका विजेता खेलाडीहरू सहभागी विद्यालय तथा खेल व्यवस्थापन गर्ने सम्पूर्ण टिमलाई पुरस्कार,प्रमाणपत्र तथा मेडल वितरण गर्नु भयो । प्रहरी महानिरीक्षक दान बहादुर कार्कीले प्रतियोगितामा सहभागि सबै जनामा हार्दिक आभार व्यक्त गर्दै खेल मार्फत आत्म बिश्वास र अनुशासन बृद्धि हुने कुरामा जोड दिनु भयो । कार्यक्रममा सामाखुसी पुलिस स्कुल व्यवस्थापन समितीका अध्यक्ष प्रहरी नायव महानिरीक्षक ओम प्रसाद अधिकारीले प्रमुख अतिथी प्रहरी महानिरीक्षक दान बहादुर कार्कीलाई माँयाको चिनो प्रदान गर्नु भयो । साथै उहाँले IGP National Taekwondo Championship कार्यक्रममा उपस्थित सबै जनालाई धन्यबाद ज्ञापन गर्नु भयो । कार्यक्रममा प्रहरी अतिरिक्त महानिरीक्षकहरु, प्रहरी नायव महानिरीक्षक , तार्केश्वर नगरपालिकाका प्रमुख तथा अन्य जन प्रतिनिधिहरु, बिभिन्न सहभागी बिद्यालयका शिक्षक शिक्षिकाहरु , नेपाल पुलिस स्कुल सामाखुसीका प्राचार्य, विद्यालय व्यवस्थापन समितिका पदाधिकारीहरु, निर्णायक समितिका सदस्यहरु र विद्यार्थीहरु लगायत सिनियर तथा जुनियर प्रहरी अधिकृतहरुको उपस्थिति रहेको थियो ।

प्रहरी कर्मचारीहरुलाई अग्नि नियन्त्रण तथा Fire Extinguisher सम्बन्धी १ (एक) दिनको अनुशिक्षण कार्यक्रम सम्पन्‍न

२०८२-०९-२१

२०८२ पुष २१ काठमाडौं उपत्यका प्रहरी कार्यालयको तत्वावधानमा आउदै गरेको गृष्म ऋृतुमा हुनसक्ने आगलागीजन्य प्राकृतिक विपद्लाई मध्यनजर गरेर धनजनको क्षति हुन नदिन र भईहालेमा तत्काल उद्दार कार्यमा खटिने गरी तैयारी हालतमा राख्ने उद्देशयले विपद् व्यवस्थापन कार्यालय सामाखुशीबाट आउनुभएका प्रशिक्षकहरूद्धारा आगलागी नियन्त्रण, उद्धार विधि तथा सुरक्षा सतर्कताबारे व्यवहारिक ज्ञान आदान-प्रदान गर्दै विपद् प्रतिकार्य क्षमतालाई थप सुदृढ बनाउने उद्देश्यका साथ यस कार्यालय रानीपोखरीमा कार्यरत १३० जना प्रहरी कर्मचारीहरूलाई आज अग्नि नियन्त्रण तथा Fire Extinguisher सम्बन्धी १ (एक) दिनको अनुशिक्षण तालिम गराइएको छ ।

दोस्रो प्रहरी महानिरीक्षक राष्‍ट्रिय तेक्वान्दो प्रतियोगिता, २०८२ उद्‍घाटन समारोह सम्पन्‍न

२०८२-०९-२०

काठमाडौं, २० पुस नेपाल पुलिस स्कुल सामाखुसीको आयोजनामा २ दिवसिय “दोस्रो प्रहरी महानिरीक्षक राष्‍ट्रिय तेक्वान्दो प्रतियोगिता, २०८२”को उद्‍घाटन समारोह काठमाडौं उपत्यका प्रहरी कार्यालय रानीपोखरीका कार्यालय प्रमुख तथा नेपाल पुलिस स्कुल सामाखुसीका संरक्षक प्रहरी अतिरिक्त महानिरीक्षक ईश्वर कार्कीको प्रमुख आतिथ्यतामा नेपाल पुलिस स्कुल सामाखुसीको प्राङ्गणमा आइतबार सम्पन्न भएको छ । मिति २०८२/०९/२० गतेबाट दुई दिनसम्म चल्ने उक्त प्रतियोगितामा नेपाल भरका ४४ वटा विद्यालयका कुल ६५३ जना विद्यार्थीहरु सहभागिता रहने छ । प्रतियोगिताको उद्‍घाटन समारोहलाई सम्बोधन गर्नु हुदै प्रहरी अतिरिक्त महानिरीक्षक ईश्वर कार्कीले नेपाल पुलिस स्कुल, सामाखुसीले शिक्षा र खेलकुद क्षेत्रमा पुर्‍याएको योगदानको उच्च प्रशंसा गर्दै IGP National Taekwondo Championship को सुरुवातले तेक्वान्दो खेडालीको रुपमा भविष्‍यमा राष्ट्रिय योगदान दिन सक्ने जनशक्तिको उत्पादन तथा विकास हुनेमा विश्वास व्यक्त गर्दै खेलमा कसैको हार नभई सिकाई हुने हुदा सबै सहभागी खेलाडीहरुलाई जितको शुभकामना समेत व्यक्त गर्नु भयो । खेललाई प्रोत्साहन गर्नु गौरवपूर्ण कार्य भएको बताउदै प्रहरी अतिरिक्त महानिरीक्षक कार्कीले खेलले शारीरिक तथा मानसिक विकास गर्नुका साथै निर्णय क्षमताको विकास गरी सम्वन्धित व्यक्तिको आत्मविश्‍वासमा बढवा दिई नैतिकवान् तथा अनुशासित बनाई समग्र व्यक्तिको व्यक्तित्व विकासमा समेत सहयोग पुर्‍याउने वताउनु भयो । कार्यक्रममा नेपाल पुलिस स्कुल सामाखुसीका प्राचार्य श्री रामप्रसाद भुसाल, विद्यालय व्यवस्थापन समितिका पदाधिकारीहरु, नेपाल पुलिस स्कुल सामाखुसीका समादेशक प्रहरी निरीक्षक महेश के.सी., सहभागी विद्यालयका शिक्षकहरु, निर्णायक समितिका सदस्यहरु र विद्यार्थीहरु लगायत सिनियर तथा जुनियर प्रहरी अधिकृतहरुको उपस्थिति रहेको थियो ।

मोटरसाइकल चोरी गर्ने नियन्त्रणमा

२०८२-०९-२०

मिति २०८२।०९।१७ गते अन्दाजी ११:३० बजेको समयमा काठमाडौं जिल्ला कपनबाट बा.प्र. ०२-०४३ प ६१३६ नम्बरको २२० सि.सी.को पल्सर मोटरसाईकल चोरी भएको भनि प्रहरी बृत्त बौद्ध काठमाडौंमा खोजतलास निवेदनको आधारमा खोजतलास गर्दा मिति २०८२।०९।१९ गते अन्दाजी ११:०० बजेको समयमा काठमाडौं जिल्ला काठमाडौं महानगरपालिका वडा नं. २६ पवित्रनगर स्थित सडक किनारमा मोटरसाईकल सहित चोरी गर्ने जिल्ला नुवाकोट सुर्यगढी गा.पा. वडा नं. ३ घर भई हाल जिल्ला ललितपुर बस्ने बर्ष २६ को जिबन लामिछानेलाई नियन्त्रणमा लिएको ।