प्रहरी अतिरिक्त महानिरीक्षक टेक बहादुर तामाङद्वारा प्रहरी वृत्त थानकोटको नवनिर्मित भवनको उद्‍घाटन

२०८२-०५-१६

A
A^-
A⁺

काठमाडौं, १६ भदौ

प्रहरी अतिरिक्त महानिरीक्षक टेक बहादुर तामाङले प्रहरी वृत्त थानकोटको नवनिर्मित कार्यालय भवन तथा व्यारेकको सोमबार आयोजित कार्यक्रमबीच उद्‍घाटन गर्नुका साथै नवनिर्मित भवनहरूको निरीक्षण समेत गर्नुभयो ।

नेपाल सरकारबाट प्राप्त बजेट अन्तर्गत रही नेपाल प्रहरी प्रधान कार्यालय,भौतिक पूर्वाधार निर्देशनालयबाट योजना बनाई जिल्ला प्रहरी परिसर काठमाडौंको मातहत प्रहरी वृत्त थानकोटको कार्यालय तथा व्यारेक भवनको सम्पूर्ण लागत ६ करोड ७१ लाख ३४ हजार ९ सय २० रुपैयाँ ०२ पैसामा निर्माण सम्पन्न भएको थियो ।

उद्घघाटन कार्यक्रमलाई सम्बोधन गर्नुहुदै प्रहरी अतिरिक्त महानिरीक्षक टेक बहादुर तामाङले काठमाडौं उपत्यकाको प्रमुख नाकाको मध्येको एक नागढुङ्गा क्षेत्रमा अहोरात्र नागरिकको सेवामा खटिने प्रहरी कर्मचारीहरूको लागि आवास भवन आधारभूत आवश्यकता रहेको चर्चा गर्दै आधुनिक, सुन्दर र सुविधा सम्पन्न भवनहरूले प्रहरी कर्मचारीहरूमा जिम्मेवारी निर्वाह गर्न थप उर्जा र हौसला दिनेमा विश्वास व्यक्त गर्नुभयो । नवनिर्मित भवनहरू सबैको साझा सम्पत्ति भएको उल्लेख गर्दै प्रहरीलाई सेवा प्रवाहमा सहज पहल कदमी गर्ने चन्द्रागिरी नगरपालिका सम्पुर्ण नागरिक समाज, जनप्रतिनिधि तथा सम्पुर्ण स्थानियबासीलाई धन्यवाद व्यक्त गर्नुभयो ।

काठमाण्डौ उपत्यका प्रहरी कार्यालयको ‘सुरक्षित उपत्यका, हाम्रो प्रतिवद्दता: अभियानलाई मूर्तरूप दिन उपत्यका प्रहरी कार्यालय शान्ति,सुरक्षा तथा सुशासनमा थप व्यावसायिक बन्दै जाने प्रतिवद्वता व्यक्त गर्दै प्रहरी अतिरिक्त महानिरीक्षक टेक बहादुर तामाङले विवेकपूर्ण निर्णयबाट कानूनसम्मत तवरले प्रहरी कारवाही गर्न निर्देशन समेत दिनुभयो ।

कार्यक्रममा चन्द्रागिरी नगरपालिकाका नगर प्रमुख घनश्याम गिरी, चन्द्रागिरी नगरपालिकाका नगर उप-प्रमुख बसन्ती श्रेष्ठ,काठमाडौं जिल्लाका प्रमुख जिल्ला अधिकारी छवी रिजाल,जिल्ला सरकारी वकिल कार्यालयका सहन्यायाधिवक्ता रामहरि शर्मा काफ्ले,काठमाडौं उपत्यका प्रहरी कार्यालय रानीपोखरीका प्रहरी नायव महानिरीक्षक ओम बहादुर राना, नेपाल सशस्त्र प्रहरी नायव महानिरीक्षक सुरेश कुमार श्रेष्ठ,जिल्ला प्रहरी परिसर काठमाडौका प्रहरी वरिष्ठ उपरीक्षक विश्व अधिकारी,काठमाडौ उपत्यका ट्राफिक प्रहरी कार्यालयका प्रहरी वरिष्ठ उपरीक्षक नवराज अधिकारी, पूर्व प्रहरी कर्मचारीहरु, स्थानीय जनप्रतिनिधिहरू र स्थानीय भद्र भलादमीहरू लगायत उपस्थितिमा सम्पन्न भएको थियो ।

सम्बन्धित समाचार

हत्या गरेको अभियोगमा पक्राउ

२०८२-०६-२४

काठमाडौं, २४ असोजटोखा नगरपालिका-२ चण्डेश्वरी बस्ने पाँचथर घर भएका ४० वर्षीय राम लिम्बुको हत्या गरेको अभियोगमा सोही ठाउँ बस्ने उदयपुर घर भएका २७ वर्षीय गणेश लामा र सिन्धुली घर भएका ४० वर्षीय खुप बहादुर तामाङलाई बिहीबार राति प्रहरीले पक्राउ गरेको छ । उनीहरूले बादविवादको क्रममा फलामको रड प्रहार गर्दा राम गम्भीर घाइते भएको भन्ने खबर प्राप्त हुनासाथ प्रहरी प्रभाग बुढानिलकण्ठबाट खटिएको प्रहरीले उनीहरूलाई पक्राउ गरेको हो । रड प्रहारबाट गम्भीर घाइते भएका रामको ट्रमा सेन्टरमा उपचारको क्रममा मृत्यु भएको हो । यस सम्बन्धमा प्रहरीले आवश्यक अनुसन्धान गरिरहेको छ ।

विश्व दृष्टि दिवस २०२५ को अवसरमा आँखा स्वास्थ्य शिविर सम्पन्न ।

२०८२-०६-२३

काठमाडौं, २३ असोज काठमाडौं उपत्यका प्रहरी कार्यालयमा बिहीबार आयोजित एक कार्यक्रमका बीच काठमाडौं उपत्यका प्रहरी कार्यालयका कार्यालय प्रमुख प्रहरी अतिरिक्त महानिरीक्षक दान बहादुर कार्कीको प्रमुख आतिथ्यतामा आँखा स्वास्थ्य शिविर सम्पन्न भएको छ । हरेक वर्ष अक्टोबर ९ तारिखका दिन (असोज २३) विश्वभर मनाइने “विश्व दृष्टि दिवस” ( World Sight Day) यस वर्ष “आँखालाई माया गरौं” (Love Your Eyes) भन्ने नाराका साथ आँखा स्वास्थ्य सम्बन्धी विविध कार्यक्रम गरी मनाईदै छ । आँखा स्वास्थ्य शिविर उद्‍घाटन समारोहलाई सम्बोधन गर्नु हुदै प्रहरी अतिरिक्त महानिरीक्षक कार्कीले विकासका सूचकहरुमा अन्य विकासका आधारभुत स्तम्भहरु संगै नेत्र स्वास्थ्यलाई समेत विशेष सम्बोधन गरी योजना तर्जुमा गर्न सकेमा नागरिकको समुन्नत विकास हुनेमा विश्वास व्यक्त गर्नु भयो । साथै नेपाल प्रहरीका प्रहरी कर्मचारीहरुलाई आँखा स्वास्थ्य जाँच गरी परामर्श तथा चस्मा उपलब्ध गरी सहयोग पुर्‍याएकोमा तिलगंगा आँखा प्रतिष्ठानलाई काठमाडौं उपत्यका प्रहरी कार्यालयको तर्फबाट धन्यवाद समेत व्यक्त गर्नुभयो । मन्तव्यको क्रममा तिलगंगा आँखा प्रतिष्ठानका प्रमुख सञ्चालन अधिकृत पिताम्बर अधिकारीले नेपालमा ठूलो जनसंख्यामा दृष्टिदोषको समस्या देखिएको वर्तमान अवस्थालाई रोकथाम तथा न्यूनिकरणका लागि सबै पक्षहरुले सहकार्य गर्दै समुदायस्तरमै जनचेतना अभिबृद्धि गर्न आवश्यक भएको औल्याँउदै सडकको धुलो धुवाँलाई सहन गर्दै देश र नागरिकको सेवामा अग्र पङ्क्तिमा खटिने नेपाल प्रहरीको स्वास्थ्य सम्बन्धमा सहयोग प्रदान गर्न पाएकोमा खुसी व्यक्त गर्नु भयो । आँखा स्वास्थ्य शिविरबाट काठमाडौं उपत्यका प्रहरी कार्यालय तथा मातहतका कूल ४५० जना प्रहरी कर्मचारीहरु लाभाम्बित भएको उक्त कार्यक्रममा प्रहरी नायव महानिरीक्षक ओम बहादुर राना, प्रहरी वरिष्ठ अधिकृतहरू, तिलगंगा आँखा प्रतिष्ठानका प्रतिनिधिहरु, लायन्स क्लबका प्रतिनिधिहरु लगायत अन्य प्रहरी अधिकृतहरुको उपस्थिति रहेको थियो ।

टेन्ट हस्तान्तरण कार्यक्रम सम्पन्न ।

२०८२-०६-१९

काठमाडौं, १९ असोज काठमाडौं उपत्यका प्रहरी कार्यालयमा आइतबार आयोजित एक कार्यक्रमबीच काठमाडौं उपत्यका प्रहरी कार्यालयका कार्यालय प्रमुख प्रहरी अतिरिक्त महानिरीक्षक दान बहादुर कार्कीलाई 14 Peaks Expedition का तर्फबाट २०७ थान टेन्ट हस्तान्तरण गरिएको छ । कार्यक्रमलाई सम्बोधन गर्नु हुदै प्रहरी अतिरिक्त महानिरीक्षक कार्कीले नेपाल बाढी, पहिरो, डुबान तथा भुकम्प जस्ता प्राकृतिक विपत्तिको जोखिम राष्ट्र भएकाले प्राकृतिक विपत्तिबाट विस्थापित नागरिकहरुलाई अस्थायी स्थान्तरणमा सहयोग पुग्ने टेन्ट हस्तान्तरण गरी पुण्य कार्यमा सहयोग पुर्‍याएकोमा 14 Peaks Expedition लाई काठमाडौं उपत्यका प्रहरी कार्यालयको तर्फबाट धन्यबाद व्यक्त गर्नुभयो । मन्तव्यको क्रममा 14 Peaks Expedition का सञ्चालक टासी लाक्पा शेर्पाले हर प्रहर देश र नागरिकको सेवामा अग्र पङ्क्तिमा खटिने नेपाल प्रहरीलाई सहयोग प्रदान गर्न पाएकोमा खुसी व्यक्त गर्नु भयो । कार्यक्रममा कार्यक्रममा प्रहरी नायव महानिरीक्षक ओम बहादुर राना, प्रहरी वरिष्ठ अधिकृतहरू, 14 Peaks Expedition का प्रतिनिधिहरु लगायत अन्य प्रहरी अधिकृतहरुको उपस्थिति रहेको थियो ।

प्रहरी अतिरिक्त महानिरीक्षक दान बहादुर कार्कीद्वारा टिका र जमरा प्रदान ।

२०८२-०६-१७

काठमाडौं उपत्यका प्रहरी कार्यालयका कार्यालय प्रमुख प्रहरी अतिरिक्त महानिरीक्षक दान बहादुर कार्कीद्वारा विजया दशमी २०८२ को अवसरमा शुक्रबार प्रहरी कर्मचारी, पूर्व प्रहरी कर्मचारी तथा प्रहरी परिवारलाई टिका र जमरा लगाइदिनु भएको छ । टिका र जमरा ग्रहणका लागि प्रहरी नायव महानिरीक्षक ओम बहादुर राना, प्रहरी नायव महानिरीक्षक सुरेन्द्र बहादुर गुरुङ लगायत वरिष्‍ठ प्रहरी अधिकृतहरू, पूर्व प्रहरी कर्मचारीहरू, प्रहरी अधिकृत तथा जवानहरू एवम् प्रहरीका परिवारहरू समेतको उपस्थिति रहेको थियो ।

दर्ज्यानी चिन्ह सुशोभन कार्यक्रम सम्पन्न ।

२०८२-०६-१२

काठमाडौं, १२ असोज काठमाडौं उपत्यका प्रहरी कार्यालयका कार्यालय प्रमुख प्रहरी अतिरिक्त महानिरीक्षक दान बहादुर कार्कीको उपस्थितिमा तालुक गृह मन्त्रालय (सचिवस्तर) को मिति २०८२।०६।०२ गतेको निर्णयानुसार मिति २०८२।०६।१२ गतेबाट लागू हुने गरी नेपाल प्रहरी पहरा गण, आर्थिक प्रशासन शाखा, काठमाडौं दरबन्दी भई प्रहरी प्रभाग सानेपा ललितपुरमा कार्यरत प्रहरी वरिष्‍ठ नायव निरीक्षक कृष्ण बहादुर डि.सी.लाई प्रहरी नियमावली, २०७१ (संशोधन सहित) को नियम १२९ को उपनियम २(क) को खण्ड (क) बमोजिम प्रहरी निरीक्षक पदको दर्ज्यानी चिन्ह सुशोभन कार्यक्रम सम्पन्न भएको छ । दर्ज्यानी चिन्ह सुशोभन पश्चात समारोहलाई सम्बोधन गर्नु हुदै प्रहरी अतिरिक्त महानिरीक्षक कार्कीले सरुवा बढुवा भनेको प्रहरी कर्मचारीको सेवामा प्रवेशदेखी अवकाससम्म नियमित प्रकृया भएकाले पदोन्नति हुनु भएका प्रहरी अधिकृतले पदोन्नतिसँगै काँधमा थपिएको जिम्मेवारी अनुरुप पदीय मर्यादा रहने गरी राज्यले खटाएको स्थानमा कटिवद्ध रुपमा कार्य गर्न निर्देशन दिनुभयो । दर्ज्यानी चिन्हद्वारा सुशोभित हुनुभएका प्रहरी निरीक्षक कृष्ण बहादुर डि.सि.ले प्रहरी सेवामा रहदा प्राप्त गरेका अनुभव, अवसर र चुनौतीको सम्बन्धमा मन्तव्य प्रस्तुत गर्नु भएको उक्त कार्यक्रममा प्रहरी नायव महानिरीक्षक ओम बहादुर राना, प्रहरी वरिष्ठ उपरीक्षकहरु लगायतका सिनियर प्रहरी अधिकृतहरू र अन्य प्रहरी कर्मचारीहरूको उपस्थिति रहेको थियो ।

चाडपर्व लक्षित Traffic Walk कार्यक्रम सम्पन्न ।

२०८२-०६-१२

काठमाडौं, १२ असोज काठमाडौं उपत्यका प्रहरी कार्यालयका कार्यालय प्रमुख प्रहरी अतिरिक्त महानिरीक्षक दान बहादुर कार्कीको प्रमुख आतिथ्यतामा काठमाडौं उपत्यका ट्राफिक प्रहरी कार्यालय र काठमाडौं महानगरपालिकाका महानगर प्रहरी बलद्वारा संयुक्त रुपमा आयोजित चाडपर्व लक्षित सुरक्षा सचेतनाका लागि Traffic Walk कार्यक्रम सम्पन्न भएको छ । ‘सडक सुरक्षा हाम्रो प्रतिबद्धता’ भन्ने नारा सहित काठमाडौंको रानीपोखरीबाट प्रभातफेरी सुरु भई रणोद्धिप, भद्रकाली, सिंहदरबार हुँदै रामशाहपथसम्म विभिन्न जनचेतनामूलक प्लेकार्ड प्रदर्शन गर्दै नेपाल प्रहरी र महानगर प्रहरी बलको विशेष र्‍यालि सम्पन्न भएको थियो । साथै प्रभातफेरी पश्‍चात् काठमाडौं उपत्यका ट्राफिक प्रहरी कार्यालय रामशाहपथमा औपचारिक कार्यक्रम समेत आयोजना गरिएको थियो । Traffic Walk कार्यक्रमलाई सम्बोधन गर्नुहुदै कार्यक्रमका प्रमुख अतिथि काठमाडौं उपत्यका प्रहरी कार्यालयका प्रमुख प्रहरी अतिरिक्त महानिरीक्षक दान बहादुर कार्कीले चाडपर्वलाई सुरक्षित र दुर्घटना रहित बनाउनका लागि ट्राफिक नियमको पालना गरेर सभ्य समाजको निर्माण गर्नमा सबैले प्रतिबद्ध रहनुपर्ने बताउनुहुदै सडक दुर्घटना न्यूनिकरणका लागि आजको कार्यक्रम लाभदायी हुने विश्वास व्यक्त गर्नु भयो । कार्यक्रमका विशिष्ट अतिथि हृदयरोग विशेषज्ञ डा. ओममुर्ति अनिलले देशको वर्तमान परिवेशमा पनि चाडपर्वको समयमा यस्तो कार्यक्रम आयोजना गरिनु समाजका लागि प्रशंसनीय रहेको बताउनुभयो । साथै उहाँले चाडपर्वको बहानामा कोही कसैले पनि मादक पदार्थ सेवन गर्ने, तीब्र गतिमा सवारी गुडाउने तथा लागूपदार्थको सेवन गर्ने जस्ता नकारात्मक कार्य गर्नु हानिकारक हुने कुरामा जोड दिनु भयो ।काठमाडौं उपत्यका ट्राफिक प्रहरी कार्यालयका प्रमुख प्रहरी वरिष्ठ उपरीक्षक नवराज अधिकारीले स्वागत मन्तव्य राख्नु भएको उक्त कार्यक्रममा काठमाडौं उपत्यका प्रहरी कार्यालयका प्रहरी नायब महानिरीक्षक ओम बहादुर रानाले धन्यवाद मन्तव्य राख्नुभएको थियो । कार्यक्रममा प्रहरी वरिष्ठ अधिकृतहरु, काठमाडौँ महानगर प्रहरी बलका पदाधिकारीहरु, उपत्यका भित्रका सामुदायिक प्रहरी सेवा केन्द्रका प्रहरी कर्मचारीहरु, सञ्चारकर्मीहरु लगायत अन्य प्रहरी कर्मचारीहरुको उपस्थिति रहेको थियो ।