काठमाडौं, ९ असार

    काठमाडौं उपत्यका प्रहरी कार्यालयमा सोमबार आयोजित एक कार्यक्रमबीच काठमाडौं उपत्यका प्रहरी कार्यालयका कार्यालय प्रमुख प्रहरी अतिरिक्त महानिरीक्षक टेक बहादुर तामाङ र SENTINEL LAB PVT LTD का Director अनिता देवकोटा बिच Memorandum Of Understanding(MOU) हस्ताक्षर कार्यक्रम सम्पन्न भएको छ ।

   दुई पाङ्ग्रे सवारी साधन चोरी हुनबाट रोक्न सवारी साधनमा जडान गरिने Device बाट सवारी साधनको Real Time Location पहिचान गरी सवारी साधनहरूको चोरी नियन्त्रण तथा अनुसन्धानका साथै  दुई पाङ्ग्रे सवारी साधनहरूमा विशेष गरी रातको समयमा सवार गर्ने महिलाहरूको लागि सुरक्षित यात्राको वातावरण सृजना गरी सवारी साधन र सवारी धनिहरुलाई सुरक्षा प्रदान गर्ने लगायत ट्राफिक जाम तथा यसको कारण पत्ता लगाई  प्रहरी कारबाहीको क्रममा प्रमाणको रुपमा प्रयोग गर्ने उद्देश्य सहित यस सम्झौतापत्रमा हस्ताक्षर गरिएको हो ।

  Memorandum Of Understanding (MOU) हस्ताक्षर कार्यक्रमलाई सम्बोधन गर्नु हुदै प्रहरी अतिरिक्त महानिरीक्षक टेक बहादुर तामाङले नेपाल प्रहरीलाई प्रविधिमैत्री बनाउने कार्यमा यस Geographic Information System (GIS) प्रविधि सहितको LOCOMO Device बाट अपेक्षित लाभ हासिल हुन सक्ने अपेक्षा गर्नु भयो । साथै आधुनिक समयमा प्रविधिको प्रयोग गरी नेपाल प्रहरीले विभिन्न आपराधिक घटनाहरूको नियन्त्रण तथा अनुसन्धान गरिरहेको चर्चा गर्दै आगामी दिनहरुमा थप प्रविधियुक्त बनाई प्रभावकारी रुपमा सुरक्षा प्रदान गरिने बताउनु भयो ।

      कार्यक्रममा SENTINEL LAB PVT LTD का निर्देशक अनिता देवकोटाले आफ्नो  मन्तव्य व्यक्त गर्दै वर्तमान समयमा प्रविधिको महत्वलाई चर्चा गर्दै नागरिकहरु बिना वर्दीका प्रहरी हुने भएकाले समाजमा शान्ति सुरक्षा तथा अमन चयन कायम गर्ने कार्यमा आफ्नो र संस्थाको तर्फबाट सदैव सहयोग हुने प्रतिवद्दता जनाउनु भयो ।

   कार्यक्रममा प्रहरी नायव महानिरीक्षक ओम बहादुर राना, प्रहरी वरिष्ठ अधिकृतहरू, SENTINEL LAB PVT LTD का प्रतिनिधिहरु लगायत अन्य प्रहरी अधिकृतहरुको उपस्थिति रहेको थियो ।