सामुदायिक विपद् स्वयमसेवक परिचालन सम्बन्धी अन्तर्क्रिया तथा छलफल कार्यक्रम सम्पन्न ।
२०८२-०२-२५
- A
- A-
- A+
काठमाडौं, २५
जेठ
काठमाडौं उपत्यका प्रहरी कार्यालय
रानीपोखरीका प्रमुख प्रहरी अतिरिक्त महानिरीक्षक टेक बहादुर तामाङको प्रमुख
आतिथ्यतामा सामुदायिक विपद् स्वयमसेवक परिचालन सम्बन्धी अन्तर्क्रिया तथा
छलफल कार्यक्रम
आइतबार काठमाडौं उपत्यका प्रहरी
कार्यालय रानीपोखरीको सभाहलमा सम्पन्न
भएको छ ।
काठमाडौं उपत्यकामा हुने विपद् जस्तै भूकम्प, बाढी, पहिरो, आगलागी, र
मानवजनित आपतकालीन अवस्थाहरू (जस्तै महामारी,
दुर्घटना, र
हिंसात्मक घटना) को अवस्थामा सुरक्षाकर्मीहरूको साथमा समुदायको सक्रिय सहभागिताको आवश्यकलाई
महशुस गरी समुदायका स्थानीय नागरिकहरूलाई विपद् व्यवस्थापनको पूर्वतयारी, प्रतिक्रिया, र
पुनर्स्थापना प्रक्रियामा प्रशिक्षित गर्ने उद्देश्यका साथ Community Disaster Volunteer
Programme (CDVP) कार्यक्रम सञ्चालन गरिएको हो जस अन्तर्गत सामुदायिक विपद् स्वयमसेवक बन्न ईच्छुक
नागरिकले सामुदायिक प्रहरी सेवा केन्द्र वा नजिकको प्रहरी बृत्त वा प्रभागमा नाम दर्ता
गर्न सक्नेछन् ।
कार्यक्रमलाई
सम्बोधन गर्नुहुदै प्रहरी अतिरिक्त महानिरीक्षक टेक बहादुर तामाङले विपद् व्यवस्थापनको समयमा सूचना संकलन र आपसी समन्वय महत्वपूर्ण हुने चर्चा गर्दै
समुदाय र सुरक्षाकर्मीहरूको एक्यवद्धताले मात्र विपद् उद्धार कार्यको लक्ष्य
प्राप्ति हुने महशुस गरी यस कार्यक्रम
कार्यान्वयनमा ल्याएको बताउनुभयो । साथै मनसुनको समय सुरु हुन लागेकाले मनसुनको
समयमा हुने जन धनको क्षतीलाई न्यूनिकरणको निम्ति नेपाल प्रहरीले स्थानिय सरकार
साथै अन्य सरोकारवाला निकायससंगको समन्वयमा विपत प्रतिकार्य तयारी अभ्यासहरु
गरिरहेको जानकारी समेत दिनुभयो ।
सो अवसरमा काठमाडौँ उपत्यका प्रहरी कार्यालय अन्तर्गगतका
सामुदायिक प्रहरी सेवा केन्द्रका प्रमुख तथा प्रतिनिधिहरुले विपद्को समयमा अपनाउन सक्ने
सुरक्षा सावधानि तथा विपद् उद्धारमा आपसी सहयोग,
समन्वय र सहकार्य लगायतका विषयहरुमा जिज्ञासा तथा सुझावहरु समेत
राख्नुभएको थियो ।
काठमाडौं उपत्यका प्रहरी कार्यालयका प्रहरी उपरीक्षक
शालिकग्राम शर्माले सामुदायिक विपद् स्वयमसेवक परिचालन कार्यक्रमको परिचय, यसको उद्देश्य, प्रमुख गतिविधिहरु
तथा अपेक्षित उपलब्धिहरू सम्बन्धमा प्रस्तुतीकरण प्रस्तुत गर्नुभएको उक्त कार्यक्रममा
प्रहरी नायव महानिरीक्षक ओम बहादुर राना, सामुदायिक प्रहरी सेवा केन्द्रका प्रतिनिधिहरु, प्रहरी वरिष्ठ उपरीक्षकहरु, प्रहरी उपरीक्षकहरु, सिनियर प्रहरी अधिकृतहरू तथा अन्य प्रहरी कर्मचारीहरूको उपस्थिति रहेको थियो ।