आज मिति २०८२/०१/१९ गते, काठमाडौं उपत्यका प्रहरी कार्यालयका कार्यालय प्रमुख प्रहरी अतिरिक्त महानिरीक्षक टेक बहादुर तामाङको प्रमुख आतिथ्यतामा प्रहरी उपरीक्षक पवन कुमार भट्टराईको बिदाई तथा फेरि भेटौला कार्यक्रम सम्पन्न भएको छ ।  

      तालुक नेपाल प्रहरी प्रधान कार्यालय, मानवश्रोत विकास विभाग, कर्मचारी प्रशासन शाखा, नक्सालको मिति २०८२।०१।१५ गतेको पत्रले जिल्ला प्रहरी कार्यालय पाल्पा सरुवा भई भई नयाँ कार्यक्षेत्र तर्फ प्रस्थान गर्न लाग्नु भएका प्रहरी उपरीक्षक पवन कुमार भट्टराईलाई यस कार्यालयको तर्फबाट प्रहरी अतिरिक्त महानिरीक्षक टेक बहादुर तामाङले “मायाको चिनो” प्रदान गर्नुभएको थियो ।                

      बिदाई तथा फेरि भेटौला समारोहलाई सम्बोधन गर्नुहुदै प्रहरी अतिरिक्त महानिरीक्षक तामाङले प्रहरी प्रहरी उपरीक्षक पवन कुमार भट्टराईले यस कार्यालयमा कार्यरत रहँदा प्रदान गरिएका कार्य कुशलतापूर्वक निर्वाह गर्नु भएकोमा धन्यवाद व्यक्त गर्दै नयाँ कार्यक्षेत्रको लागि उहाँलाई हार्दिक शुभकामना प्रदान गर्नु भयो । साथै सङ्गठको श्रीबृद्दिका खातिर निरन्तर लागिरहन निर्देशन समेत दिनु भयो ।

     प्रहरी उपरीक्षक पवन कुमार भट्टराईले यस कार्यालयमा कार्यरत रहँदा प्राप्त गरेका अनुभव,अवसर र चुनौतीको सम्बन्धमा  मन्तव्य प्रस्तुत गर्नु भएको उक्त कार्यक्रममा प्रहरी वरिष्ठ उपरीक्षक शेखर खनाल,प्रहरी वरिष्ठ उपरीक्षक नवराज अधिकारी,सिनियर प्रहरी अधिकृतहरू लगायत अन्य प्रहरी कर्मचारीहरूको उपस्थिति रहेको थियो ।