सैनिक प्रहरी प्रशिक्षार्थीहरुबाट अवलोकन भ्रमण सम्पन्न ।

२०८१-१२-२०

A
A^-
A⁺

काठमाडौं, २० चैत

मिति २०८१/१२/२० गते बुधवार नेपाली सेना सैनिक प्रहरी गण जंगी अड्डाका प्रशिक्षार्थीहरुबाट काठमाडौं उपत्यका प्रहरी कार्यालयको अबलोकन भ्रमण कार्यक्रम सम्पन्न भएको छ । ७६ जना सैनिक प्रहरी प्रशिक्षार्थीहरूलाई काठमाडौं उपत्यका प्रहरी कार्यालयको काम, कर्तव्य र अधिकारका बारेमा प्रहरी उपरीक्षक पवन कुमार भट्टराईले प्रस्तुतिकरण गर्नुभएको थियो । साथै उक्त अवलोकन भ्रमणको अवसरमा प्रहरी नियन्त्रण कक्ष (Control Room) र CCTV कक्षको समेत अवलोकन गराइएको थियो ।

सम्बन्धित समाचार

प्रहरी अतिरिक्त महानिरीक्षक टेक बहादुर तामाङको प्रमुख आतिथ्यतामा भीड नियन्त्रण तथा प्रहरी कारवाही सम्बन्धमा अनुभव आदानप्रदान तथा अन्तरक्रिया कार्यक्रम सम्पन्न ।

२०८१-१२-१९

काठमाडौं, १९ चैत “Learning By Experience” कार्यक्रम अन्तर्गत भृकुटीमण्डप स्थित नेपाल पुलिस क्लबमा ‍आज बिहान आयोजित भीड नियन्त्रण तथा प्रहरी कारवाही सम्बन्धमा अनुभव आदानप्रदान तथा अन्तरक्रिया कार्यक्रममा आफ्नो प्रहरी सेवाको लामो अवधि काठमाडौं उपत्यका स्थित विभिन्न कार्यालयहरुमा अपरेशन अधिकृत, जिल्ला प्रहरी प्रमुख तथा उपत्यका प्रहरी कार्यालयको प्रमुखको रुपमा कार्य गर्नुभई भीड नियन्त्रण तथा प्रहरी कारवाही सम्बन्धमा अनुभव तथा दक्षता हासिल गर्नुभएका पूर्व प्रहरी अतिरिक्त महानिरीक्षक उत्तम राज सुवेदी, नगर प्रहरी कार्यालयमा लामो समय भीड नियन्त्रण र प्रहरी कारवाहीको क्षेत्रमा काम गर्नु भएका हाल नेपाल प्रहरी युक्ती महाविद्यालय, जर्गाहका कार्यालय प्रमुख प्रहरी वरिष्ठ उपरीक्षक दीप शम्शेर ज.व.रा. तथा जिल्ला प्रहरी परिसर काठमाडौंमा अपरेशन अधिकृतको रुपमा लामो अवधि बिताउनु भएका हाल काठमाडौं उपत्यका प्रहरी कार्यालय रानीपोखरीमा कार्यरत प्रहरी उपरिक्षक पवन भट्टराईले भीड नियन्त्रण तथा प्रहरी कारवाही सम्बन्धमा आफूले विगतमा हासिल गरेका अनुभवहरु सुनाउदै आगामी दिनहरुमा प्रहरीले के कस्ता चुनौती सामना गर्ने अवस्थाहरु आउन सक्छन् र त्यसलाई कसरी समाधान गर्नुपर्छ भन्ने सम्बन्धमा अन्तर्क्रिया सम्पन्न भयो । अन्तरक्रिया कार्यक्रमलाई सम्बोधन गर्नु हुँदै प्रहरी अतिरिक्त महानिरीक्षक तामाङले विरोध तथा प्रदर्शनको समयमा प्रहरी कर्मचारीबाट हुन सक्ने कमि कमजोरीहरु तथा हुनसक्ने सम्भावित खतराको मूल्याङ्कन र उक्त खतराबाट उत्पन्न हुन सक्ने सुरक्षा चुनौतीहरुलाई निष्तेज गर्न सम्बन्धित कमाण्डरको योग्यता,व्यवसायिकता साथै भिड नियन्त्रणमा खटिने प्रहरी कर्मचारीको मनोबल बृद्धिमा सम्बन्धित कमाण्डरले निभाउनु पर्ने भूमिका लगायत बल प्रयोगको अवस्थामा अबलम्बन गर्नु पर्ने बल प्रयोगको सिद्धान्त र मानव अधिकारको सम्बन्धमा उपस्थित अधिकृतहरुलाई निर्देशन दिनु भएको थियो । साथै भीड नियन्त्रण तथा प्रहरी कारवाहीमा अनुभव प्राप्त बहालवाला तथा अवकास प्राप्त प्रहरी अधिकृतहरुको अनुभवलाई आत्मसाथ गर्दै आगामी दिनहरुमा पूर्ण व्यवसायिक तवरले प्रहरी कार्य गर्न समेत निर्देशन दिनु भयो । कार्यक्रममा काठमाडौं उपत्यका ट्राफिक प्रहरी कार्यालयका कार्यालय प्रमुख प्रहरी वरिष्ठ उपरीक्षक विनोद धिमिरे, जिल्ला प्रहरी परिसर काठमाडौंका कार्यालय प्रमुख प्रहरी वरिष्ठ उपरीक्षक विश्व अधिकारी,काठमाडौं उपत्यका प्रहरी कार्यालयका प्रहरी वरिष्ठ उपरीक्षक शेखर खनाल, त्रिभुवन अन्तर्राष्ट्रिय विमानस्थल सुरक्षा कार्यालयका कार्यालय प्रमुख प्रहरी वरिष्ठ उपरीक्षक सोमेन्द्र सिंह राठौर, काठमाडौं उपत्यका अपराध अनुसन्धान कार्यालयका कार्यालय प्रमुख प्रहरी वरिष्ठ उपरीक्षक रमेश कुमार बस्नेत, जिल्ला प्रहरी परिसर ललितपुरका कार्यालय प्रमुख प्रहरी वरिष्ठ उपरीक्षक श्याम कृष्ण अघिकारी, काठमाडौं उपत्यका प्रहरी कार्यालयका प्रहरी वरिष्ठ उपरीक्षक नवराज अधिकारी, प्रहरी उपरीक्षकहरु, प्रहरी वृत्त तथा प्रभागका कार्यालय प्रमुखहरू, सिनियर प्रहरी अधिकृतहरू तथा अन्य प्रहरी कर्मचारीहरूको उपस्थिति रहेको थियो ।

दर्ज्यानी चिन्ह सुशोभन कार्यक्रम सम्पन्न ।

२०८१-१२-१५

मिति २०८१/१२/१५ गते, काठमाडौं उपत्यका प्रहरी कार्यालयका प्रमुख प्रहरी अतिरिक्त महानिरीक्षक टेक बहादुर तामाङको प्रमुख आतिथ्यतामा तालुक गृह मन्त्रालय (सचिवस्तर) को मिति २०८१।१२।०५ गतेको निर्णयानुसार मिति २०८१।१२।१५ गतेबाट लागु हुने गरी जनपद तर्फ प्रहरी वरिष्ठ नायव निरीक्षक पदबाट प्रहरी निरीक्षक पदमा बढुवा हुनु भएका प्रहरी निरीक्षक राजु बहादुर बानियालाई दर्ज्यानी चिन्ह सुशोभन कार्यक्रम सम्पन्न भएको छ । दर्ज्यानी चिन्ह सुशोभन पश्चात प्रहरी अतिरिक्त महानिरीक्षक तामाङले सुशोभन समारोहलाई सम्बोधन गर्नु हुदै पदोन्नति हुनु भएका प्रहरी अधिकृतले पदोन्नतिसँगै काँधमा थपिएको जिम्मेवारी अनुरुप पदीय मर्यादा रहने गरी राज्यले खटाएको स्थानमा कटिवद्ध रुपमा कार्य गर्न निर्देशन दिनुभयो । कार्यक्रममा प्रहरी वरिष्ठ उपरीक्षक शेखर खनाल,प्रहरी वरिष्ठ उपरीक्षक नवराज अधिकारी, सिनियर प्रहरी अधिकृतहरू लगायत अन्य प्रहरी कर्मचारीहरूको उपस्थिति रहेको थियो ।

प्रहरी अतिरिक्त महानिरीक्षक टेक बहादुर तामाङद्वारा मातहतका प्रहरी कर्मचारीहरुलाई समसामयिक विषयमा निर्देशन सम्बोधन कार्यक्रम सम्पन्न ।

२०८१-१२-१३

काठमाडौं, १३ चैत काठमाडौं उपत्यका प्रहरी कार्यालयका कार्यालय प्रमुख प्रहरी अतिरिक्त महानिरीक्षक टेक बहादुर तामाङको प्रमुख आतिथ्यतामा काठमाडौं उपत्यका प्रहरी कार्यालय मातहतका प्रहरी कर्मचारीहरुलाई समसामयिक विषयमा निर्देशन सम्बोधन कार्यक्रम सम्पन्न भएको छ । नेपाल पुलिस क्लब भृकुटीमण्डपमा उपस्थित काठमाडौं उपत्यका प्रहरी कार्यालय मातहतका जिल्ला प्रहरी परिसरहरु, काठमाण्डौ उपत्यका अपराध अनुसन्धान कार्यालय,त्रिभुवन अन्तर्राष्ट्रिय विमानस्थल सुरक्षा कार्यालय, काठमाण्डौ उपत्यका ट्राफिक प्रहरी कार्यालय,प्रहरी वृत्त तथा प्रभाग प्रमुखहरु लगायतका प्रहरी कमचारीहरुलाई निर्देशन दिनु हुँदै प्रहरी अतिरिक्त महानिरीक्षक तामाङले अपराध नियन्त्रण र अनुसन्धान कार्यमा खटिने प्रहरी कर्मचारीहरुले तालिमको दौरान सिकेको शिप कौशलका साथै समयानुकुल प्रविधि र समाज मनोविज्ञानको अध्ययन तथा विज्ञता समेत हुनुपर्नेमा जोड दिदै काठमाडौं उपत्यकामा राष्ट्रिय तथा अन्तराष्ट्रिय व्यक्तित्वको आगमन हुने हुदा सुरक्षा चुनौतिको विश्लेशण गर्दै विभिन्न आपराधिक क्रियाकलाप उपर सदैव सचेत रही खतराको मूल्याङ्कन (Threat Analysis) गरी प्रहरीको काम, कर्तव्य पूर्ण व्यवसायिक तवरले निर्वाह गर्न निर्देशन दिनु भयो । साथै आर्थिक अनियमिततामा शून्य सहनशीलतालाई आत्मसात गरी सिमान्तकृत, दलित एवम् पीडितवर्गहरूको सारथी भई उनीहरूको समस्या एवम् गुनासोलाई सम्बोधन गर्न समेत निर्देशन दिनु भयो । लागूऔषध दुर्व्यसनको तथ्याङ्क दिनानुदिन बढ्दै गईरहेको वर्तमान अवस्थालाई मध्यनजर गर्दै काठमाडौं उपत्यका प्रहरी कार्यालयले लागूऔषध विरूद्धको महाअभियान कार्यान्वयनमा ल्याएको बताउँदै लागूऔषध दुर्व्यसन नियन्त्रणमा लागूऔषध सेवनकर्ताहरुलाई समुदाय- प्रहरी साझेदारी कार्यक्रम अन्तर्गत समुदाय स्तरमै अनुशिक्षण प्रदानमा जोड दिदै लागूऔषध विरूद्धको महाअभियानलाई सफल बनाउन निर्देशन दिनु भयो । सोही क्रममा काठमाडौं उपत्यकामा हुन सक्ने विभिन्न विरोध तथा प्रदर्शन कार्यक्रमको समयमा प्रहरी कर्मचारीबाट हुन सक्ने कमि कमजोरीहरु तथा हुनसक्ने सुरक्षा चुनौतीहरुलाई निष्तेज गर्न सम्बन्धित कमाण्डरले आफ्नो टोलीलाई जिम्मेवारीका सम्बन्धमा सम्झाई-बुझाई गर्नुका साथै मातहतका कर्मचारीसंग समन्वय र सहकार्य गर्दै स्वतन्त्र,निष्पक्ष र भयरहित तवरले प्रहरी कार्य गर्दै विरोध प्रर्दशनको समयमा प्रहरीले बल प्रयोग गर्नुपर्ने अवस्थामा बल प्रयोगको सिद्धान्तलाई अवलम्बन गर्दै थप सम्बेदनशील भई मानव अधिकारको उच्चतम सम्मान गर्दै कार्य सम्पादन गर्न समेत उहाँले जोड दिनुभयो । कार्यक्रममा काठमाण्डौ उपत्यका ट्राफिक प्रहरी कार्यालयका कार्यालय प्रमुख प्रहरी वरिष्ठ उपरीक्षक विनोद धिमिरे, जिल्ला प्रहरी परिसर काठमाडौंका कार्यालय प्रमुख प्रहरी वरिष्ठ उपरीक्षक विश्व अधिकारी, काठमाडौं उपत्यका प्रहरी कार्यालयका प्रहरी वरिष्ठ उपरीक्षक शेखर खनाल, त्रिभुवन अन्तर्राष्ट्रिय विमानस्थल सुरक्षा कार्यालयका कार्यालय प्रमुख प्रहरी वरिष्ठ उपरीक्षक सोमेन्द्र सिंह राठौर, काठमाण्डौ उपत्यका अपराध अनुसन्धान कार्यालयका कार्यालय प्रमुख प्रहरी वरिष्ठ उपरीक्षक रमेश कुमार बस्नेत, जिल्ला प्रहरी परिसर ललितपुरका कार्यालय प्रमुख प्रहरी वरिष्ठ उपरीक्षक श्याम कृष्ण अघिकारी, काठमाडौं उपत्यका प्रहरी कार्यालयका प्रहरी वरिष्ठ उपरीक्षक नवराज अधिकारी, प्रहरी उपरीक्षकहरु, प्रहरी वृत्त तथा प्रभागका कार्यालय प्रमुखहरू, सिनियर प्रहरी अधिकृतहरू तथा अन्य प्रहरी कर्मचारीहरूको उपस्थिति रहेको थियो ।

दर्ज्यानी चिन्ह सुशोभन कार्यक्रम सम्पन्न ।

२०८१-१२-१३

मिति २०८१/१२/१३ गते, काठमाडौं उपत्यका प्रहरी कार्यालयका प्रमुख प्रहरी अतिरिक्त महानिरीक्षक टेक बहादुर तामाङको प्रमुख आतिथ्यतामा तालुक गृह मन्त्रालय (सचिवस्तर) को मिति २०८१।१२।०५ गतेको निर्णयानुसार मिति २०८१।१२।१३ गतेबाट लागु हुने गरी जनपद तर्फ प्रहरी वरिष्ठ नायव निरीक्षक पदबाट प्रहरी निरीक्षक पदमा बढुवा हुनु भएका प्रहरी निरीक्षक किशोर कुमार खरेललाई दर्ज्यानी चिन्ह सुशोभन कार्यक्रम सम्पन्न भएको छ । दर्ज्यानी चिन्ह सुशोभन पश्चात प्रहरी अतिरिक्त महानिरीक्षक तामाङले सुशोभन समारोहलाई सम्बोधन गर्नु हुदै पदोन्नति हुनु भएका प्रहरी अधिकृतले पदोन्नतिसँगै काँधमा थपिएको जिम्मेवारी अनुरुप पदीय मर्यादा रहने गरी राज्यले खटाएको स्थानमा कटिवद्ध रुपमा कार्य गर्न निर्देशन दिनुभयो । कार्यक्रममा प्रहरी वरिष्ठ उपरीक्षक शेखर खनाल, प्रहरी वरिष्ठ उपरीक्षक रमेश कुमार बस्नेत प्रहरी वरिष्ठ उपरीक्षक नवराज अधिकारी, सिनियर प्रहरी अधिकृतहरू लगायत अन्य प्रहरी कर्मचारीहरूको उपस्थिति रहेको थियो ।

लागूऔषध विरूद्धको महाअभियान अन्तर्गत लागूऔषध अपराध नियन्त्रणमा खटिएका समन्वय अधिकृतहरु (Focal Police Officer) संग अन्तर्कृया तथा छलफल कार्यक्रम सम्पन्न

२०८१-१२-११

काठमाडौं, ११ चैत काठमाडौं उपत्यका प्रहरी कार्यालयद्वारा आयोजना गरिएको लागूऔषध विरूद्धको महाअभियान कार्यक्रम अन्तर्गत मातहत प्रहरी कार्यालयहरुमा लागूऔषध नियन्त्रण समूह खडा गरी सम्बन्धित लागूऔषध नियन्त्रणमा खटिएका सिनियर तथा जूनियर प्रहरी अधिकृत तथा उपत्यकाका २९ वटै सामुदायिक सेवा केन्द्रका प्रहरी कर्मचारीहरु संग अन्तर्कृया तथा छलफल कार्यक्रम काठमाडौं उपत्यका प्रहरी कार्यालयका कार्यालय प्रमुख प्रहरी अतिरिक्त महानिरीक्षक टेक बहादुर तामाङको प्रमुख आतिथ्यतामा सम्पन्न भएको छ । लागूऔषध दुर्व्यवसनको तथ्याङ्क दिनानुदिन बढ्दै गईरहेको वर्तमान अवस्थालाई मध्यनजर गर्दै समाजका हरेक सरोकारवाला पक्षहरुको एउटै सक्रिय संयन्त्रको रुपमा अगाडि बढ्ने आवश्यकतालाई बोध गरी काठमाडौं उपत्यका प्रहरी कार्यालयद्वारा लागूऔषध विरूद्धको महाअभियान कार्यक्रम गत फागुन १७ गते गृहमन्त्री रमेश लेखकको प्रमुख आतिथ्यतामा नेपाल पुलिस क्लब भृकुटीमण्डपमा एक समारोहबीच शुभारम्भ गरिएको थियो । अन्तर्कृया तथा छलफल कार्यक्रममा उठेका जिज्ञासाहरुको सम्बोधन गर्नु हुदै प्रहरी अतिरिक्त महानिरीक्षक टेक बहादुर तामाङले वर्तमान समयमा समग्र राष्ट्रलाई नै असर गर्ने गम्भीर चुनौतिको रूपमा रहेको लागूऔषधको नियन्त्रणमा सबै सरोकारवाला पक्षहरूको साथ, सहयोग, सहकार्य र समन्वय आवश्यकता रहेको बताउनु हुदै लागूऔषध सेवनकर्ताहरुलाई सामुदाय स्तरमै अनुशिक्षणका साथै सामाजिक पुन:स्थापना गर्ने प्रमुख उद्धेश्य सहित निश्चित मापदण्डका आधारमा दुरगामी योजना बनाई लागूऔषध विरूद्धको महाअभियान सफल बनाउन निर्देशन दिनु भयो ।कार्यक्रममा काठमाडौं उपत्यका प्रहरी कार्यालय रानीपोखरीका प्रहरी वरिष्ठ उपरीक्षक नवराज अधिकारी, सिनियर प्रहरी अधिकृतहरु, यस कार्यालय मातहतमा गठन गरिएको लागूऔषध नियन्त्रण समूह समन्वय अधिकृत ( Focal Officer) तथा सामुदायिक प्रहरी सेवा केन्द्रका कमाण्डरहरु, लगायत अन्य प्रहरी कर्मचारीहरु गरी जम्मा ७५ जनाको उपस्थिति रहेको थियो ।

दर्ज्यानी चिन्ह सुशोभन कार्यक्रम सम्पन्न ।

२०८१-१२-१०

मिति २०८१/१२/१० गते, काठमाडौं उपत्यका प्रहरी कार्यालयका प्रमुख प्रहरी अतिरिक्त महानिरीक्षक टेक बहादुर तामाङको प्रमुख आतिथ्यतामा तालुक गृह मन्त्रालय (सचिवस्तर) को मिति २०८१।१२।०५ गतेको निर्णयानुसार मिति २०८१।१२।१० गतेबाट लागु हुने गरी जनपद तर्फ प्रहरी वरिष्ठ नायव निरीक्षक पदबाट प्रहरी निरीक्षक पदमा पदोन्नती हुनु भएका प्रहरी निरीक्षक राजाराम कार्कीलाई दर्ज्यानी चिन्ह सुशोभन कार्यक्रम सम्पन्न भएको छ । दर्ज्यानी चिन्ह सुशोभन पश्चात प्रहरी अतिरिक्त महानिरीक्षक तामाङले सुशोभन समारोहलाई सम्बोधन गर्नु हुदै पदोन्नति हुनु भएका प्रहरी अधिकृतले पदोन्नतिसँगै काँधमा थपिएको जिम्मेवारी अनुरुप पदीय मर्यादा रहने गरी राज्यले खटाएको स्थानमा कटिवद्ध रुपमा कार्य गर्न निर्देशन दिनुभयो । कार्यक्रममा प्रहरी वरिष्ठ उपरीक्षक विनोद घिमिरे, प्रहरी वरिष्ठ उपरीक्षक शेखर खनाल, प्रहरी वरिष्ठ उपरीक्षक नवराज अधिकारी, सिनियर प्रहरी अधिकृतहरू तथा अन्य प्रहरी कर्मचारीहरूको उपस्थिति रहेको थियो ।