प्रहरी अतिरिक्त महानिरीक्षक टेक बहादुर तामाङको प्रमुख आतिथ्यतामा संचारकर्मीसंग अन्तर्क्रिया कार्यक्रम सम्पन्न ।

२०८१-१०-२४

A
A^-
A⁺

काठमाडौं, २४ माघ

काठमाडौं उपत्यका प्रहरी कार्यालयका कार्यालय प्रमुख प्रहरी अतिरिक्त महानिरीक्षक टेक बहादुर तामाङको प्रमुख आतिथ्यतामा संचारकर्मीसंग अन्तर्क्रिया कार्यक्रम सम्पन्न भएको छ ।

काठमाडौं उपत्यका प्रहरी कार्यालयको रानीहलमा सम्पन्न कार्यक्रममा संचारकर्मीहरुद्वारा काठमाडौं उपत्यका प्रहरी कार्यालयले आगामी दिनहरुमा चाल्नसक्ने पहल कदमीको सम्बन्धमा राय, सुझाब तथा सल्लाह व्यक्त गर्नु भएको थियो । अन्तर्क्रिया चरण पश्चात संचारकर्मीहरुद्वारा राखिएका जिज्ञासाको निरुपण गर्दै प्रहरी अतिरिक्त महानिरीक्षक टेक बहादुर तामाङले काठमाडौं उपत्यका प्रहरी कार्यालयको दैनिक काम, कर्तव्य र अधिकार लगायत काठमाडौं उपत्यकाको सुरक्षा चुनौतीहरु र त्यसको समाधानको निम्ति चालिएका कदमहरुको सम्बन्धमा जानकारि दिनुका साथै आगामी कार्यदिशा र भावी योजनाहरुको सम्बन्धमा जानकारी गराउनु भएको थियो । साथै प्रहरी कर्मचारीलाई प्रहरी कार्यमा प्रभावकारिता अभिवृद्धि गर्नको निमित्त हात- हतियार लगायत अपराध अनुसन्धानको अभिमुखिकरण (Induction) अनुशिक्षण सम्पन्न गरिएको र आगामी दिनहरुमा सूचना प्रविधि सम्बन्धि अनुशिक्षण प्रदान गर्ने योजना रहेको समेत बताउनु भयो ।

काठमाडौं उपत्यकामा शान्ति सुरक्षा कायम गर्न भए गरेका कार्यहरु लगायत सृजनशील कार्यहरुका सम्बन्धमा प्रहरी वरिष्ठ उपरीक्षक शेखर खनालले प्रस्तुतीकरण गर्नु भएको उक्त कार्यक्रममा विभिन्न संचार माध्यमबाट संचारकर्मीहरुको उपस्थिती रहेको थियो ।

सम्बन्धित समाचार

दर्ज्यानी चिन्ह सुशोभन कार्यक्रम सम्पन्‍न ।

२०८२-०१-०२

मिति २०८२/०१/०२ गते, काठमाडौं उपत्यका प्रहरी कार्यालयका कार्यालय प्रमुख प्रहरी अतिरिक्त महानिरीक्षक टेक बहादुर तामाङको प्रमुख आतिथ्यतामा तालुक गृह मन्त्रालय (सचिवस्तर) को मिति २०८१।१२।२६ गतेको निर्णयानुसार मिति २०८२।०१।०१ गतेबाट लागु हुने गरी जनपद तर्फ प्रहरी वरिष्ठ नायव निरीक्षक पदबाट प्रहरी निरीक्षक पदमा बढुवा हुनु भएका प्रहरी निरीक्षक नेत्र बहादुर घर्ति मगरलाई दर्ज्यानी चिन्ह सुशोभन कार्यक्रम सम्पन्न भएको छ । दर्ज्यानी चिन्ह सुशोभन पश्चात समारोहलाई सम्बोधन गर्नु हुदै प्रहरी अतिरिक्त महानिरीक्षक तामाङले सरुवा बढुवा भनेको प्रहरी कर्मचारीको सेवामा प्रवेशदेखी अवकाससम्म नियमित प्रकृया भएकाले पदोन्नति हुनु भएका प्रहरी अधिकृतले पदोन्नतिसँगै काँधमा थपिएको जिम्मेवारी अनुरुप पदीय मर्यादा रहने गरी राज्यले खटाएको स्थानमा कटिवद्ध रुपमा कार्य गर्न निर्देशन दिनुभयो । साथै प्रहरी निरीक्षक नेत्र बहादुर घर्ति मगरले लामो समयसम्म यस कार्यालयमा कार्यरत रहि प्रदान गरिएको जिम्मेवारी कुशलतापूर्वक निर्वाह गर्नु भएकोमा धन्यवाद समेत व्यक्त गर्नुभयो । प्रहरी निरीक्षक नेत्र बहादुर घर्ति मगरले प्रहरी सेवामा प्राप्त अनुभव, अवसर र चुनौतीको सम्बन्धमा मन्तव्य प्रस्तुत गर्नु भएको उक्त कार्यक्रममा प्रहरी वरिष्ठ उपरीक्षक शेखर खनाल,प्रहरी वरिष्ठ उपरीक्षक नवराज अधिकारी, सिनियर प्रहरी अधिकृतहरू लगायत अन्य प्रहरी कर्मचारीहरूको उपस्थिति रहेको थियो ।

लागूऔषध विरूद्धको महाअभियान अन्तर्गत लागूऔषध प्रयोगकर्ता तथा अभिभावकहरुलाई परामर्श कार्यक्रमको समुदघाटन कार्यक्रम सम्पन्‍न ।

२०८२-०१-०२

काठमाडौं, ०२ वैशाख काठमाडौं उपत्यका प्रहरी कार्यालयद्वारा आयोजना गरिएको लागूऔषध विरूद्धको महाअभियान कार्यक्रम अन्तर्गत लागूऔषध प्रयोगकर्ता तथा अभिभावकहरुलाई परामर्श कार्यक्रमको समुदघाटन कार्यक्रम सामुदायिक सेवा केन्द्र तथा सामुदायिक प्रहरी सेवा केन्द्र घट्टेकुलोको सभाहलमा मंगलवार काठमाडौं उपत्यका प्रहरी कार्यालयका कार्यालय प्रमुख प्रहरी अतिरिक्त महानिरीक्षक टेक बहादुर तामाङको प्रमुख आतिथ्यतामा सम्पन्न भएको छ । लागूऔषध दुर्व्यवसनको तथ्याङ्क दिनानुदिन बढ्दै गईरहेको वर्तमान अवस्थालाई मध्यनजर गर्दै समाजका हरेक सरोकारवाला पक्षहरुको एउटै सक्रिय संयन्त्रको रुपमा अगाडि बढ्ने आवश्यकतालाई बोध गरी काठमाडौं उपत्यका प्रहरी कार्यालयद्वारा लागूऔषध विरूद्धको महाअभियान कार्यक्रम गत फागुन १७ गते गृहमन्त्री रमेश लेखकको प्रमुख आतिथ्यतामा नेपाल पुलिस क्लब भृकुटीमण्डपमा एक समारोहबीच शुभारम्भ गरिएको थियो । लागूऔषध प्रयोगकर्ता तथा अभिभावकहरुलाई परामर्श कार्यक्रमलाई सम्बोधन गर्नु हुदै प्रहरी अतिरिक्त महानिरीक्षक टेक बहादुर तामाङले वर्तमान समयमा समग्र राष्ट्रलाई नै असर गर्ने गम्भीर चुनौतिको रूपमा रहेको लागूऔषधको नियन्त्रणमा सबै सरोकारवाला पक्षहरूको साथ, सहयोग, सहकार्य र समन्वय आवश्यकता रहेको बताउनु हुदै लागूऔषध सेवनकर्ताहरुलाई समुदाय स्तरमानै अनुशिक्षणका साथै सामाजिक पुन:स्थापना गर्ने उद्धेश्यका साथ काठमाडौं उपत्यका प्रहरी कार्यालय तथा मातहतले विभिन्न सचेतनामूलक तथा प्रशिक्षण कार्यक्रम संचालन गरिरहेको अवस्थामा सामुदायिक प्रहरी सेवा केन्द्र घट्टेकुलोले आयोजना गरेको लागूऔषध प्रयोगकर्ता तथा अभिभावकहरुलाई परामर्श कार्यक्रमले समाजमा विकराल रुप लिएको लागूऔषध दुर्व्यवसनको न्यूनिकरणमा सहयोग पुर्याउने विश्वास व्यक्त गर्नु भयो ।जिवन विज्ञानका प्रशिक्षक रेखा घिमिरे र आसरा सुधार केन्द्र रानीबारीका प्रशिक्षक गौरब सिरोहियाले प्रशिक्षण गर्नुभएको उक्त कार्यक्रममा जिल्ला प्रहरी परिसर काठमाडौंका कार्यालय प्रमुख प्रहरी वरिष्ठ उपरीक्षक विश्व अधिकारी, वरिष्ठ कलाकार मदनदाश श्रेष्ठ, सिनियर प्रहरी अधिकृतहरु, सामुदायिक सेवा केन्द्र तथा सामुदायिक प्रहरी सेवा केन्द्र घट्टेकुलोका पदाधिकारीहरु तथा सदस्यहरु लगायत अन्य प्रहरी कर्मचारीहरुको उपस्थिति रहेको थियो । साथै यस कार्यालयका प्रहरी वरिष्ठ उपरिक्षक नवराज अधिकारीको प्रमुख आतिथ्यता तथा आसरा सुधार केन्द्र रानीबारीका बरिष्ठ मनोपरामर्शदाता सम्राट नरसिँह प्रधान प्रशिक्षणमा लागूऔषध विरूद्धको महाअभियान अन्तर्गत लागूऔषध प्रयोगकर्ता तथा अभिभावकहरुलाई परामर्श कार्यक्रमको समुदघाटन कार्यक्रम सामुदायिक सेवा केन्द्र तथा सामुदायिक प्रहरी सेवा केन्द्र ईचँगुनारायणमा समेत सम्पन्न भएको छ ।

सामुदायिक सेवा केन्द्र तथा सामुदायिक प्रहरी सेवा केन्द्र, ईचंगुनारायणद्वारा आयोजित रुद्री, होम, नागरिक सम्मान, स्वास्थ्य शिविर तथा भित्ते पात्रो विमोचन कार्यक्रम सम्पन्न

२०८१-१२-२८

काठमाडौं, २८ चैत सामुदायिक सेवा केन्द्र तथा सामुदायिक प्रहरी सेवा केन्द्र, ईचंगुनारायणद्वारा आयोजित रुद्री, होम, नागरिक सम्मान, स्वास्थ्य शिविर तथा भित्ते पात्रो विमोचन कार्यक्रम काठमाडौं उपत्यका प्रहरी कार्यालयका कार्यालय प्रमुख प्रहरी अतिरिक्त महानिरीक्षक टेक बहादुर तामाङको प्रमुख आतिथ्यतामा सम्पन्न भएको छ । सामुदायिक प्रहरी साझेदारी कार्यक्रम अन्तर्गत रुद्री, होम, नागरीक सम्मान, स्वास्थ्य शिविर तथा भित्ते पात्रो विमोचन कार्यक्रमलाई सम्बोधन गर्नु हुदै प्रहरी अतिरिक्त महानिरीक्षक टेक बहादुर तामाङले स्थानीय स्तरबाटै अपराध रोकथाम र नियन्त्रण गर्न नेपाल प्रहरीको एकल प्रयासबाट मात्र सम्भव नहुने हुँदा स्थानीय जनसमुदायको समेत भूमिका महत्वपूर्ण रहेकाले नागरिकहरुको सूचना र सहकार्यले मात्र समाजमा शान्ति, सुरक्षा र अमनचयन कायम गर्न सकिने बताउनुभयो । साथै कुनै निश्‍चित घर, परिवार तथा समुदाय मात्र नभई समग्र राष्ट्रलाई नै असर गर्ने गम्भीर चुनौतिको रूपमा रहेको लागूऔषध दुर्व्यवसनको वर्तमान अवस्थालाई मध्यनजर गर्दै काठमाडौं उपत्यका प्रहरी कार्यालयद्वारा लागूऔषध विरूद्धको महाअभियान कार्यक्रम सञ्चालन गरेकोमा यस अभियानलाई सफल बनाउन सामुदायिक सेवा केन्द्रको साथ, सहयोग, सहकार्य र समन्वय आवश्यकता रहेको बताउनु हुदै लागूऔषध सेवनकर्ताहरुलाई समुदाय स्तरमै अनुशिक्षणका साथै सामाजिक पुन:स्थापना गर्ने गरी समुदाय स्तरबाटै लागूऔषध दुर्व्यवसनको निराकरण गरी नेपाल प्रहरीको “सुरक्षित उपत्यका : हाम्रो प्रतिवद्धता” अभियानलाई सहयोग गर्नु हुन समेत उपस्थित सबैमा अनुरोध गर्नु भयो । नागार्जुन नगरपालिका वडा नं. १, २ र ३ का स्थानीय जेष्ठ नागरिकलाई सम्मान गरिएको उक्त कार्यक्रममा सामुदायिक सेवा केन्द्र तथा सामुदायिक प्रहरी सेवा केन्द्र इचंगुनारायणका अध्यक्ष प्रताप दानी, जिल्ला प्रहरी परिसर काठमाडौंका कार्यालय प्रमुख प्रहरी वरिष्ठ उपरीक्षक विश्व अधिकारी, बाचन पण्डित दिन बन्धु पोख्रेल, सिनियर प्रहरी अधिकृतहरु, सामुदायिक प्रहरी सेवा केन्द्रका संरक्षक तथा पदाधिकारीहरु, नागरिक समाज तथा स्थानीय भद्र भलादमीहरु लगायत अन्य प्रहरी कर्मचारीहरुको उपस्थिति रहेको थियो ।

दर्ज्यानी चिन्ह सुशोभन कार्यक्रम सम्पन्न

२०८१-१२-२६

मिति २०८१/१२/२६ गते, काठमाडौं उपत्यका प्रहरी कार्यालयका कार्यालय प्रमुख प्रहरी अतिरिक्त महानिरीक्षक टेक बहादुर तामाङको प्रमुख आतिथ्यतामा तालुक गृह मन्त्रालय (सचिवस्तर) को मिति २०८१।१२।२१ गतेको निर्णयानुसार मिति २०८१।१२।२६ गतेबाट लागु हुने गरी जनपद तर्फ प्रहरी वरिष्ठ नायव निरीक्षक पदबाट प्रहरी निरीक्षक पदमा बढुवा हुनु भएका प्रहरी निरीक्षक मिन बहादुर खड्कालाई दर्ज्यानी चिन्ह सुशोभन कार्यक्रम सम्पन्न भएको छ । दर्ज्यानी चिन्ह सुशोभन पश्चात प्रहरी अतिरिक्त महानिरीक्षक तामाङले सुशोभन समारोहलाई सम्बोधन गर्नु हुदै सरुवा बढुवा भनेको प्रहरी कर्मचारीको सेवामा प्रवेशदेखी अवकाससम्म नियमित प्रकृया भएकाले पदोन्नति हुनु भएका प्रहरी अधिकृतले पदोन्नतिसँगै काँधमा थपिएको जिम्मेवारी अनुरुप पदीय मर्यादा रहने गरी राज्यले खटाएको स्थानमा कटिवद्ध रुपमा कार्य गर्न निर्देशन दिनुभयो । प्रहरी निरीक्षक मिन बहादुर खड्काले प्रहरी सेवामा प्राप्त अनुभव, अवसर र चुनौतीको सम्बन्धमा मन्तव्य प्रस्तुत गर्नु भएको उक्त कार्यक्रममा प्रहरी वरिष्ठ उपरीक्षक शेखर खनाल,प्रहरी वरिष्ठ उपरीक्षक नवराज अधिकारी, सिनियर प्रहरी अधिकृतहरू लगायत अन्य प्रहरी कर्मचारीहरूको उपस्थिति रहेको थियो ।

काठमाडौं उपत्यका भित्रको शान्ती सुरक्षा तथा अन्य समसामयीक विषयमा प्र.अ.म.नि.ज्यूबाट एकिकृत निर्देशन सम्बोधन

२०८१-१२-२५

काठमाडौं, २५ चैत काठमाडौं उपत्यका प्रहरी कार्यालयका कार्यालय प्रमुख प्रहरी अतिरिक्त महानिरीक्षक टेक बहादुर तामाङको प्रमुख आतिथ्यतामा काठमाडौं उपत्यका प्रहरी कार्यालय तथा सशस्त्र प्रहरी बल नेपाल नं. ९ पशुपतीनाथ वाहिनी मातहतका नेपाल प्रहरी तथा सशस्त्र प्रहरी बल नेपालका प्रहरी कर्मचारीहरूलाई एकिकृत निर्देशन सम्बोधन कार्यक्रम नेपाल पुलिस क्लब भृकुटीमण्डपमा सम्पन्न भएको छ । सशस्त्र प्रहरी बल नेपाल नं. ९ पशुपतीनाथ वाहिनीका प्रमुख सशस्त्र प्रहरी नायव महानिरीक्षक सुरेश श्रेष्ठले उपत्यका भित्रको शान्ती सुरक्षाका विषयमा महत्वपूर्ण सम्बोधन गर्नु भएको उक्त कार्यक्रमलाई सम्बोधन गर्नु हुँदै प्रहरी अतिरिक्त महानिरीक्षक तामाङले निकट भविष्यमा हुने विरोध तथा प्रदर्शनको समयमा भिड नियन्त्रणमा अग्र पङ्त्तिमा खटिने नेपाल प्रहरी तथा सशस्त्र प्रहरी बल नेपालका प्रहरी कर्मचारीहरू सामुहिक भावनाका साथ एक्यवद्ध भई उच्च मनोबलका साथ पूर्ण व्यवसायिक तवरले प्रहरी कार्य गर्न निर्देशन दिनु भयो । साथै बल प्रयोगको अवस्थामा अबलम्बन गर्नु पर्ने बल प्रयोगको सिद्धान्त र मानव अधिकारको सम्बन्धमा उपस्थित अधिकृतहरुलाई निर्देशन समेत दिनु भएको थियो । कार्यक्रममा नेपाल प्रहरी तथा सशस्त्र प्रहरी बल नेपालका प्रहरी वरिष्ठ उपरीक्षकहरु, प्रहरी उपरीक्षकहरु, सिनियर प्रहरी अधिकृतहरू तथा अन्य प्रहरी कर्मचारीहरूको उपस्थिति रहेको थियो ।

प्रहरी वृत्त कीर्तिपुरमा नव:निर्मित नवदुर्गा भगवती मन्दिर समुद्‍घाटन कार्यक्रम सम्पन्न ।

२०८१-१२-२४

काठमाडौं, २४ चैत काठमाडौं उपत्यका प्रहरी कार्यालय रानीपोखरीका प्रमुख, प्रहरी अतिरिक्त महानिरीक्षक टेक बहादुर तामाङले प्रहरी वृत्त कीर्तिपुरमा नव:निर्मित नवदुर्गा भगवती मन्दिरको आइतवार उद्‍घाटन गर्नुभयो । प्रहरी वृत्त कीर्तिपुरका प्रहरी र स्थानीय जनसमुदायको सहयोगमा सम्पूर्ण लागत ४ लाख ६१ हजार ७५६ रुपैयामा नव:निर्मित नवदुर्गा भगवती मन्दिरको निर्माण कार्य सम्पन्न भएको थियो । नेपाली सेना र नेपाल प्रहरीमा बडा दशैं तथा चैते दशैंको अवसरमा नवरात्रको वली,मौलो पूजा र निशान पूजा अनिवार्य र महत्वपूर्ण हुन्छ । देश र नागरिकको संरक्षण र समुत्थानमा सुरक्षा निकायको भूमिका महत्वपुर्ण हुन्छ । सो भूमिका निर्वाह गर्न फौजले निर्भिकता, निश्छलता, निर्लोभता, कर्तव्यनिष्ठता र अजेयबल सम्पन्नता जस्ता गुणहरुको उपार्जन गरिरहनुपर्दछ । सो गुण देवी देवताहरुको अर्चना आराधना र सम्झनाबाट मात्र हुन सक्छ भन्ने मान्यता परापुर्व काल देखी स्थापित रहेको छ । नवदुर्गा भगवती मन्दिर समुद्‍घाटन पश्चात उपस्थित प्रहरी कर्मचारीलाई निर्देशन सम्बोधन गर्नुहुदै प्रहरी अतिरिक्त महानिरीक्षक तामाङले कार्यालय परिसरमा देवी नवदुर्गा भवानीको निर्माणले प्रहरी कर्मचारीमा थप हौंसला तथा आत्मविश्वास बढ्नेमा विश्वास व्यक्त गर्नुभयो । साथै आज पर्न गएको हिंन्दू धर्मावलम्वीहरुको राम नवमी चाडको सम्पूर्ण कर्मचारीमा शुभकामना समेत व्यक्त गर्नु भयो । कार्यक्रममा जिल्ला प्रहरी परिसर काठमाडौंका कार्यालय प्रमुख, प्रहरी वरिष्ठ उपरीक्षक विश्व अधिकारी, प्रहरी बृत्त कीर्तिपुरका प्रमुख भुवनेश्वर प्रसाद साह लगायत अन्य प्रहरी कर्मचारीहरुको सहभागिता रहेको थियो ।