लैंगिक हिंसा विरुद्वको १६ दिने अन्तराष्ट्रिय अभियान अन्तर्गत प्रभात फेरी तथा सचेतनामुलक कार्यक्रम सम्पन्न

२०८१-०८-१३

A
A^-
A⁺

काठमाण्डौ, १३ मंसिर

काठमाण्डौ उपत्यका प्रहरी कार्यालयका प्रमुख प्रहरी अतिरिक्त महानिरीक्षक किरण बज्राचार्यको प्रमुख आतिथ्यतामा सामुदायिक सेवा तथा विकाश समाज कोटेश्वर, प्रहरी वृत्त नयाँ बानेश्वर, काठमाण्डौ महानगरपालिका वडा नं.३२, कागेश्वरी मनोहरा नगरपालिका वडा नं ७,८ र ९ तथा गान्धि आदर्श मा.वि. को सयुक्त आयोजनामा लैंगिक हिंसा विरुद्वको १६ दिने अन्तराष्ट्रिय अभियान अन्तर्गत प्रभात फेरी तथा सचेतनामुलक कार्यक्रम सम्पन्न भयो ।

हरेक बर्ष 25 Nov (अन्तराष्ट्रिय महिला हिंसा उन्मुलन दिवस)-10 Dec (मानव अधिकार दिवस) सम्म लैंगिक हिंसा विरुद्धको १६ दिने अभियान नेपालमा पनी “हामी सबैको प्रतिबद्दता : लैङ्गिक हिंसा अन्त्यको लागी ऐक्यवद्धता” भन्ने नाराका साथ मनाइएको यस वर्षको अभियान अन्तर्गत उक्त कार्यक्रम सञ्चालन गरिएको थियो ।

कार्यक्रमलाई सम्बोधन गर्नुहुदै प्रहरी अतिरिक्त महानिरीक्षक बज्राचार्यले नेपाल प्रहरी वर्षमा १६ दिन मात्र नभएर ३६५ दिन नै अभियानको रुपमा संवेदनशील भई लागेकाले कुनै पनि पिडा तथा हिंसामा परेका महिला,पुरुष, बालबालिका तथा लैंगिक अल्पसंख्यकहरुलाई खुलेर आफ्नो हिंसालाई कानुनी दायरामा ल्याउन आह्वान गर्नुभयो । काठमाण्डौ उपत्यका प्रहरी कार्यालयले सामुदायिक साझेदारी कार्यक्रम अन्तर्गत लैङ्गिक हिंसा बिरुद्ध स्कुल स्तरमा विद्यार्थी, शिक्षक तथा अभिभावकहरुलाई सहभागी गराई कक्षाहरु सञ्‍चालन गरी सचेतना फैलारहेको साथै सामुदायिक स्तरमा जन चेतना फैलाउन जनचेतना मूलक पाठ्यपुस्तक तयार गरी विभिन्न स्थानिय तहसगँ सम्झौता समेत गरिसकेको बताउनुभयो ।

उपत्यका प्रहरी कार्यालयले लैङ्गिक संवेदनशीलता लाई मध्येनजर गर्दै मुद्दा चल्ने प्रहरी इकाइ सम्म अनिवार्य रुपमा महिला प्रहरी कर्मचारीद्वारा महिला बालबालिका तथा जेष्ठ नागरिक सेवा केन्द्रको स्थापना गरी सो सम्बन्धी सेवा प्रदान गदै आएको जानकारी दिनुहुदै महिला, बालबालिका, फरक क्षमता भएका व्यक्तिहरु तथा लैंगिक अल्पसंख्यक सगँ गर्ने व्यवहारका सम्बन्धमा प्रहरी कर्मचारीहरुलाई नै सचेत गराउन नेपाल प्रहरीले विषेश तालिम समेत प्रदान गराउदै आइरहेको साथै लैङ्गिक विभेदको सम्बन्धमा शून्य सहनशीलतालाई अंगिकार गरेको समेत बताउनुभयो ।

नेपाल प्रहरी संगित विद्यालयका प्रहरी कर्मचारीले सचेतनामूलक प्रस्तुती प्रस्तुत गरेको उक्त कार्यक्रम काठमाण्डौ महानगरपालिका ३२ पेप्सीकोला फुटबल मैदान देखि विरेन्द्र चोक हुदै गान्धी आदर्श मा.वि.सम्म प्रभात फेरी पश्चात सभा सञ्चालन गरिएको थियो । सामुदायिक सेवा तथा विकाश समाज, कोटेश्वरका अध्यक्ष रविन्द्र थापा सभापति रहेको कार्यक्रममा कागेश्वरी मनहरा नगरपालिकाको उपमेयर शान्ता थापा, जिल्ला प्रहरी परिसर काठमाण्डौका प्रहरी उपरीक्षक नवराज अधिकारी, सिनियर प्रहरी अधिकृत विभिन्न संघ संस्थाका पदाधिकारीहरु, स्थानीय जनप्रतिनिधिहरू, सामुदायिक सेवा केन्द्रका पदाधिकारीहरू, गान्धि आदर्श मा.वि.का शिक्षक तथा विद्यार्थीहरु र स्थानीय भद्र भलादमीहरू लगायत अ.६०० जनाको उपस्थितिमा उक्त कार्यक्रम सम्पन्न भएको थियो ।

सम्बन्धित समाचार

लागु औषध सहित मानिस नियन्त्रणमा

२०८२-१०-२७

(परिसर ललितपुर) मिति २०८२।१०।२६ गते अं. २०:१० बजेको समयमा जिल्ला ललितपुर ललितपुर महानगरपालिका १४ कान्तिपुर कोलोनी स्थित बालकुमार अछामीको टिनको टहरा निम्न ३ जना व्यक्तिहरुले लागु औषध संचित खरिद बिक्री तथा सेवन गर्ने प्रयोजनको लागी संयुक्तरुपमा भाडामा लिएको भनि बिशेष सुचना प्राप्त हुना साथ तत्काल जिल्ला प्रहरी परिसर जावलाखेल र वृत सातदोबाटो बाट प्र.ना.उ.पुर्णिमा चन्द को कमाण्डमा खटिएको प्रहरी टोलीले टहरा कोठा खानतलासी गर्दा निम्न लागु औषध सहित २ जना लाई नियन्त्रणमा लिई थप अनुसन्धान गर्दै जाँदा पक्राउ परेको घनश्याम बि.क. छुट्टै कोठा लिई परिवार सहित बस्दै आएको भनिएको जिल्ला ललितपुर ललितपुर महानगरपालिका २६ ढोलाहिटी स्थित डेरा कोठा खानतलासी गर्दा थप निम्न लागु औषध नियन्त्रणमा लिई वृत सातदोबाटो ल्याई राखेको, थप अनुसन्धान कार्य भई रहेको, निम्न नियन्त्रणमा रहेका मानिसहरु :- १) जिल्ला उदयपुर चौदण्डीगढी नगरपालीका वडा न. ६ स्थाई घर भई जिल्ला ललितपुर म.न.पा. २६ ढोलाहिटी बस्ने वर्ष २५ को घनस्याम बि.क २) जिल्ला रौतहट राजदेवी नगरपालिका वडा नम्बर ६ स्थाई घर भई चन्द्रागिरी नगरपालीका वडा न ९ त्रिभुवनपार्क बस्ने वर्ष ४८ को मोहम्द तनविर मिक्रानी३) पछि नाम थर वतन खुल्न आएको जिल्ला खोटाङ साकेला गा.पा.२ घर भई हाल जिल्ला ललितपुर म.न.पा. २६ ढोलाहिटी बस्ने बर्ष २६ को समिर राई ( हाल फरार रहेको, खो.त. कार्य भई रहेको) जम्मा बरामद लागु औषध र सामानहरु :-१) खैरो हिरोईन ११.१२ ग्राम प्लाष्टिक सहित २) सानो डिजिटल तराजु थान २ ३) ट्रामाडोल ५०५३ क्याप्सुल४) नाईट्राभेट १२१ ट्याबलेट५) नगद रु ५१०० ६) OPPO Company A76 model १ थान, MOTO-G06 Model १ थान

प्रहरी कर्मचारीहरूलाई निर्वाचन लक्षित अनुशिक्षण तालिम सम्पन्न

२०८२-१०-२६

आसन्न प्रतिनिधिसभा सदस्य निर्वाचनको सुरक्षार्थ खटिने प्रहरी कर्मचारीहरूलाई निर्वाचन लक्षित अनुशिक्षण कार्यक्रम काठमाडौं उपत्यका प्रहरी कार्यालयमा सम्पन्न भएको छ । अनुशिक्षण तालिममा निर्वाचन सुरक्षा परिचय, प्रहरीको भूमिका, सुरक्षा व्यवस्थापन, निर्वाचनमा आई पर्न सक्ने समस्या, निर्वाचनमा प्रहरीको दायित्व, मतदान केन्द्रको निर्माण गर्दा ध्यान दिनु पर्ने कुराहरूलाई समावेश गरिएको छ । त्यस्तै अनुशिक्षण तालिममा निर्वाचन आचारसंहिता २०८२ अन्तर्गत सुरक्षा निकाय, सुरक्षाकर्मी तथा सुरक्षा सम्बद्ध कर्मचारीले पालना गर्नु पर्ने आचरण, निर्वाचन व्यवस्थापनमा सामाजिक सञ्जालको उपयोग सम्बन्धी नीति २०७७ लगायतका विषयमा प्रशिक्षण प्रदान गर्नुका साथै लामो तथा छोटो हतियार सम्बन्धी पुनःताजकी तालिम प्रदान गर्नुका साथै नमुना मतदान सुरक्षा अभ्यास समेत संचालन गरिएको थियो । बिभिन्न चरणमा सम्पन्न भएको प्रशिक्षणमा यस कार्यालयका सम्पूर्ण प्रहरी कर्मचारीहरूको उपस्थिती रहेको थियो ।

ठुलो आवाज निकाल्ने तथा स्वरुप परिवर्तन गर्ने ८ ओटा मोटरसाईकल ट्राफिक प्रहरीको नियन्त्रणमा

२०८२-१०-२५

ध्वनि प्रदुषण तथा स्वरुप परिवर्तन विरुद्धको विषेश कारवाही अभियान अन्तर्गत ठुलो आवाज निकाली ध्वनि प्रदुषण गराउने तथा स्वरुप परिवर्तन गर्ने ८ ओटा मोटरसाईकललाई ट्राफिक प्रहरीले शुक्रवार ट्राफिक प्रहरीद्वारा नियन्त्रणमा लिएको छ । काठमाडौँ उपत्यकाको नेपालटार डाँडागाँउ स्थित सडक खण्डमा गरिएको बिशेष चेकिङको क्रममा ८ ओटा ठुलो आवाज निकाल्ने तथा स्वरुप परिवर्तन गर्ने मोटरसाईकललाई ट्राफिक प्रहरीले नियन्त्रणमा लिएको हो । नियन्त्रणमा लिईएका सवारी साधनलाई यातायात व्यवस्था ऐन २०४९ अनुसार कारवाही गरिनेछ ।

श्रृङ्खलाबद्ध चोरीमा संलग्न मानिस नियन्त्रणमा

२०८२-१०-२२

काठमाडौंको विभिन्न स्थानहरूमा दिउँसोको समयमा घरमा कोही नभएको मौका पारी घरबाट नगद तथा सुन चाँदीका गर-गहना चोरी गर्ने नेपालगन्ज उपमहानगरपालिका -०३ घर भइ काठमाडौंको सितापाईला बस्ने वर्ष ४१ को सुप्रिम विकास तथा सौरभ चौधरी भन्ने प्रेम थारूलाई नियन्त्रणमा लिएको छ । जिल्ला प्रहरी परिसर काठमाडौंबाट खटिएको प्रहरी टोलीले चोरी गर्ने मानिसको खोजतलास गर्ने क्रममा मिति २०८२।१०।२१ गते अन्दाजी २३:२५ बजेको समयमा जिल्ला काठमाडौं, नागार्जुन नगरपालिका-०६ पुरी गाउँ स्थित सडक खण्डमा शङ्कास्पद व्यक्तिलाई चेकजाँच गर्ने क्रममा प्रहरी माथि नै आक्रमण समेत गरेको निजलाई नियन्त्रणमा लिई सोधपुछ गर्दा निज प्रतिवादी २०७९।०८।२९ गते प्रहरी वृत्त बौद्धबाट २ वटा चोरी कसुरमा पक्राउ परी कारागार चलान भइ ३ वर्ष कैद भुक्तान गरेको समेत अभिलेखमा देखिएको र उक्त किसिमका चोरीका घटनाको सम्बन्धमा ८८ तोला सुन, ९९ तोला चाँदी, २ तोला डाइमण्ड, विभिन्न देशका मुद्रा लगायत सहित अ. रु. ३,०६,१४,२००।- रुपैयाँ बराबरको चोरी भएको बिगो सहित हालसम्म ९ जना पीडित सम्पर्कमा आएको । बरामद दसीका सामानहरू१. सुन - ७६४.३५ ग्राम२. चाँदी - ११५९.२६ ग्राम३. नेपाली रुपैयाँ १ लाख ६३ हजार ६ सय ५५ रुपैयाँ४. Dimond - १५.२६ ग्राम ५. USD ११०$६. भारतीय रुपयेँ ५५०० ७. चाईनिज युआन ८२ ८. श्रीलंका रु. २० ९. मलेसियन रिङेट ३ १०. ओमन रियाल १०० ११. कतारी रियाल १६ १२. थाईल्याड भाट ४० १३. जापानिज येन १०० १४. साउदी रियाल २ १५. हङ्कङ डलर १०

प्रहरी कर्मचारीहरूलाई निर्वाचन लक्षित अनुशिक्षण तालिम सम्पन्न

२०८२-१०-२२

आसन्न प्रतिनिधिसभा सदस्य निर्वाचनको सुरक्षार्थ खटिने प्रहरी कर्मचारीहरूलाई निर्वाचन लक्षित अनुशिक्षण कार्यक्रम काठमाडौं उपत्यका प्रहरी कार्यालयमा सम्पन्न भयो । अनुशिक्षण कार्यक्रममा निर्वाचन सुरक्षा परिचय,निर्वाचनमा प्रहरीको भूमिका,सुरक्षा व्यवस्थापन, प्रहरीले सुरक्षा व्यवस्थामा अपनाउनु पर्ने भूमिका वा अवस्था,निर्वाचन कार्यमा सुरक्षा दिनु पर्ने क्षेत्र, निर्वाचनमा आई पर्न सक्ने समस्या, निर्वाचनमा प्रहरीको दायित्व,मतदान केन्द्रको निर्माण गर्दा ध्यान दिनु पर्ने कुराहरू, निर्वाचन आचारसंहिता,२०८२ अन्तर्गत सुरक्षा निकाय,सुरक्षाकर्मी तथा सुरक्षासम्बद्ध कर्मचारीले पालना गर्नुपर्ने आचरण, निर्वाचन व्यवस्थापनमा सामाजिक सञ्जालको उपयोग सम्बन्धी नीति २०७७ लगायतका विषयमा प्रशिक्षण प्रदान गरिएको थियो । प्रशिक्षणमा प्रहरी नायव उपरीक्षकदेखि प्रहरी कार्यालय सहयोगी सम्म १६९ जना प्रहरी कर्मचारीहरूको उपस्थिती रहेको थियो ।

सुन जस्तो देखिन धातु सहित भारतीय नागरिक पक्राउ

२०८२-१०-२१

काठमाडौं, त्रिभुवन अन्तर्राष्ट्रिय विमानस्थलको अन्तर्राष्ट्रिय उडान तर्फको आगमन टनेल गेटबाट अवैध रूपमा भन्सार छली लुकाई छिपाई लैजान लागेको करिब १ सय ग्राम तौलको सुन जस्तो देखिने धातु १ थान सहित भारतीय नागरिक ४९ वर्षीय Abu Barkat Kudrate Khoda Kazi लाई बुधबार बिहान प्रहरीले पक्राउ गरेको छ । त्रिभुवन अन्तर्राष्ट्रिय विमानस्थल सुरक्षा कार्यालय समेतबाट खटिएको प्रहरीले फ्लाई दुबाईको उडानद्वारा काठमाडौं आएका उनलाई जाँच गर्दा उनको साथबाट उक्त धातु फेला पारी पक्राउ गरेको हो । उनलाई आवश्यक अनुसन्धान तथा कारवाहीको लागि त्रिभुवन विमानस्थल भन्सार कार्यालय गौचर पठाइएको छ ।