हत्या गरेको अभियोगमा एक जना पक्राउ

२०८१-०५-१२

A
A^-
A⁺

काठमाण्डौ, १२ भदौ

काठमाण्डौ महानगरपालिका-१० शंखमुल साईबाबा पार्कस्थित पुल हाउसका संचालक रूपक बान्तवाको हत्या गरेको अभियोगमा सोही ठाउँ डेरा गरी बस्ने बारा सिम्रौनगढ नगरपालिका-७ घर भएका २२ वर्षीय एमके कुमारलाई बुधबार बिहान प्रहरीले पक्राउ गरेको छ ।

कुमारले सोमबार बिहान रड प्रहार गर्दा गम्भीर घाइते भएका रूपकको सिभिल अस्पतालमा उपचारको क्रममा मृत्यु भएको थियो ।

जिल्ला प्रहरी परिसर काठमाण्डौबाट खटिएको प्रहरीले उनलाई उनकै डेरा कोठाबाट पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।

सम्बन्धित समाचार

जापान पठाइदिन्छु भनी ठगी गर्ने व्यक्ति पक्राउ

२०८१-०५-३०

काठमाण्डौ, ३० भदौ वैदेशिक रोजगारमा आकर्षक तलबको प्रलोभनमा पारी जापान पठाइदिन्छु भन्दै रकम ठगी गरेको अभियोगमा झापा कमल गाउँपालिका-७ घर भई काठमाण्डौ बुढानिलकण्ठ नगरपालिका-२ बस्ने ४२ वर्षीय राम कुमार जिमीलाई बिहीबार प्रहरीले पक्राउ गरेको छ । राम कुमारले जापान पठाइदिन्छु भन्दै ३ जना पीडितहरूबाट ४ लाख ५० हजार रूपैयाँ लिई सम्पर्कबिहीन भएको भन्ने पीडितको उजुरीको आधारमा काठमाण्डौ उपत्यका अपराध अनुसन्धान कार्यालय टेकुबाट खटिएको प्रहरीले उनलाई काठमाण्डौ महानगरपालिका-२५ सुन्धाराबाट पक्राउ गरेको हो । उनलाई आवश्यक अनुसन्धान तथा कारवाहीको लागि वैदेशिक रोजगार विभाग ताहाचल काठमाण्डौ पठाइएको छ ।

शान्तिपूर्ण एवं सुरक्षित समाजका लागि अभिभावक शिक्षा सम्बन्धी अन्तक्रिया कार्यक्रम

२०८१-०५-२७

काठमाण्डौ, २७ भदौ ओमेगा कलेज र सामुदायिक सेवा केन्द्र तथा सामुदायिक प्रहरी सेवा केन्द्र, तिखेदेवल ललितपुरको आयोजनामा उपत्यका प्रहरी कार्यालय रानीपोखरीका प्रमुख, प्रहरी अतिरिक्त महानिरीक्षक किरण बज्राचार्यको प्रमुख आतिथ्यतामा शान्तिपूर्ण एवं सुरक्षित समाजका लागि अभिभावक शिक्षा सम्बन्धी अन्तक्रिया कार्यक्रम ललितपुर महानगरपालिका -०५, ओमेगा कलेजमा सम्पन्न भएको छ । विभिन्न अपराध र अपराधिक घटनाको बारेमा सचेतना बढाउनु, कानूनको अज्ञानता क्षमा नहुने भन्ने बारे जानकारी प्रदान गर्नु साथै प्रहरी-शैक्षिक संस्था – अभिभावक बिचको सम्बन्ध स्थापित गर्नु प्रमुख उद्धेश्यका साथ आयोजित उक्त कार्यक्रममा उठेका जिज्ञाशाहरुको सम्बोधन गर्नुहुदै प्रहरी अतिरिक्त महानिरीक्षक किरण बज्राचार्यले शान्तिपूर्ण एवं सुरक्षित समाजका लागि सामुदायिक-प्रहरी साझेदारीको अवधारणा बमोजिम सामुदायिक प्रहरीसँग हातेमालो गर्दै प्रहरी भय नभई भरोसा भएको भन्ने हरेक नागरीक तथा विद्यार्थीहरुलाई प्रत्याभुती दिलाउन सक्नु नेपाल प्रहरीको अभिलाषा बमोजिम काठमाण्डौ उपत्यका प्रहरी कार्यालय मातहतले सामुदायिक स्तरमा नै जन चेतनामूलक कार्यक्रम गर्नुका साथै जनचेतना मूलक पाठ्यपुस्तक नै तयार गरी विभिन्न स्थानिय तहसग सम्झौता समेत गरिसकेको बताउनुभयो । प्रारम्भिक सूचनानै अपराध अनुसन्धानको मूल श्रोत हुनाले समुदायका हरेक नागरिक पनि बिना वर्दीको प्रहरी भएको हुदा समयमै सूचना प्रहरीलाई दिन अनुरोध गदै प्रहरी अतिरिक्त महानिरीक्षक बज्राचार्यले हरेक अभिभाभकले आफ्नो बाल- बालिकाको बारेमा बिषेश ख्याल गर्दै उनीहरुको मानसिक तथा शारिरीक परिवर्तनको सहयात्री बन्न अनुरोध गर्नुभयो । साथै नजिकै आउँदै गरेका शुभ विजया दशमी, दिपावली, छठ साथै नेपाल संवत् ११४५ को हार्दिक शुभकामना व्यक्त गर्दै चाडपर्वहरूलाई सुरक्षित साथ मनाउनका लागि समेत अनुरोध गर्नुभयो । कार्यक्रममा जिल्ला प्रहरी परिसर ललितपुरका कार्यालय प्रमुख, प्रहरी बरिष्ठ उपरिक्षक शेखर खनाल, प्रहरी कर्मचारीहरू, शिक्षक/शिक्षिकाहरु, अभिभावकहरु, विद्यार्थीहरु लगायतको उपस्थिति रहेको थियो ।

जनचेतनामुलक पाठ्य सामाग्री २०८१ हस्तान्तरण एवम् सम्झौता कार्यक्रम

२०८१-०५-२६

काठमाण्डौ, २६ भदौ विद्यालय स्तरका बाल-बालिकालाई लागू औषध दुर्व्यसनी, साईवर अपराध, विद्यालयस्तरमा हुने यौन हिंसा तथा यौनजन्य अपराध, सवारी दुर्घटना, चोरी लगायत बिभिन्न समाजिक विकृति विसंगतिबाट बचाउन एवम् विद्यालयमा शिक्षक वर्ग मार्फत विद्यार्थी एवम् अभिभावकहरुलाई सचेतना अभिवृद्धि गरि अपराध न्यूनिकरण एवम् नियन्त्रण गर्ने प्रमुख लक्ष्यका साथ जिल्ला प्रहरी परिसर, काठमाण्डौबाट जनचेतनामूलक पाठ्यसामाग्री तयार गरी कागेश्वरी मनोहरा नगरपालिका र जिल्ला प्रहरी परिसर काठमाण्डौंको साझेदारीमा कागेश्वरी मनोहरा नगरपालिका भित्रका सम्पूर्ण सार्वजानिक नीजि तथा संस्थागत विद्यालयका प्रधानध्यापकहरुसँग अनिवार्य पठन पाठन हुने गरी जनचेतनामूलक पाठ्यसामाग्री हस्तान्तरण तथा सम्झौता कार्यक्रम कागेश्वरी मनोहरा नगरपालिका स्थित गान्धी आदर्श मा.वि. को सभा हलमा सम्मन्न भयो । उक्त कार्यक्रम कागेश्वरी नगर प्रमुख उपेन्द्र कार्कीको अध्यक्षतामा तथा काठमाण्डौ उपत्यका प्रहरी कार्यालय रानीपोखरीका प्रमुख प्रहरी अतिरीक्त महानिरीक्षक किरण बज्राचार्यको प्रमुख आतिथ्यतामा भएको थियो । प्रहरी-समुदाय-स्थानिय तह-विद्यालय र सामाजिक संस्थाहरु बिच साझेदारीता निर्माण गरी समाजका सम्वेदनशिल वर्गका रुपमा रहेका बालबालिकाहरुमा सुरक्षा सचेतना बढाई अपराधको जोखिमबाट बचाउनु र विद्यालय स्तरमा नै जनचेतना अभिवृद्धि गर्नु मुख्य उद्धेश्यले जनचेतनामूलक पाठ्यसामाग्री तयार पारिएको हो । जनचेतनामुलक पाठ्य सामाग्री २०८१ हस्तान्तरण एवम् सम्झौता कार्यक्रमलाई सम्बोधन गर्नु हुदै प्रहरी अतिरिक्त महानिरीक्षक किरण बज्राचार्यले धेरै स्कुले बाल-बालिकाहरु नै कानुनको अनविज्ञता तथा सचेतनाको कमीले गर्दा अपराध कर्ममा फसेको हुदा लागू औषध दुर्व्यसनी, साईवर अपराध, विद्यालय स्तरमा हुने यौन हिंसा तथा यौनजन्य अपराध, सवारी दुर्घटना, चोरी नियन्त्रण सम्बन्धी सचेतनामूलक कार्यक्रम स्कुले विद्यार्थी भाइवहिनीहरुलाई प्रदान गर्नु समय सान्दर्भिक भएको बताउनु भयो । साथै, कानुनले बर्जित गरेका कार्यहरुलाई विद्यार्थी भाइवहिनीहरुले बुझ्ने गरी पाठयपुस्तकमै समावेश हुदा समाज सुधारमा सकारात्मक प्रभाव भई अपराध न्यूनिकरण हुनुका साथै सुरक्षित हुने बताउनु भयो । कार्यक्रममा कागेश्वरी मनोहरा नगरपालिका उप-प्रमुख शान्ता थापा, जिल्ला प्रहरी परिसर काठमाण्डौका कार्यालय प्रमुख प्रहरी बरिष्ठ उपरिक्षक बसन्त रजौरे लगायत प्रहरी कर्मचारीहरू, स्थानीय जनप्रतिनिधिहरू,विद्यालयका प्रधानाध्यापकहरु तथा शिक्षकहरु, सामुदायिक सेवा केन्द्रका पदाधिकारीहरू लगायत, स्थानीय भद्र भलादमीहरूको उपस्थिति रहेको थियो ।

कार्यसम्पादन सम्झौतामा हस्ताक्षर

२०८१-०५-२४

काठमाण्डौ, २४ भदौ काठमाण्डौ उपत्यका प्रहरी कार्यालयका प्रमुख प्रहरी अतिरिक्त महानिरीक्षक किरण बज्राचार्यले काठमाण्डौ उपत्यका प्रहरी कार्यालय मातहत कार्यालय प्रमुखहरूसँग बार्षिक कार्यसम्पादन सम्झौतामा हस्ताक्षर गर्नु भएको छ ।संगठन प्रमुख प्रहरी महानिरीक्षक बसन्त बहादुर कुँवर र काठमाण्डौ उपत्यका प्रहरी कार्यालयका प्रमुख प्रहरी अतिरिक्त महानिरीक्षक किरण बज्राचार्यबीच गत भदौ ६ गते बार्षिक कार्यसम्पादन सम्झौता भए अनुसार काठमाण्डौ उपत्यका प्रहरी कार्यालय रानीपोखरीमा सोमवार एक समारोहकाबीच मातहत कार्यालयका प्रमुखहरूसँग आर्थिक वर्ष २०८१/०८२ को कार्य सम्पादन सम्झौता पत्रमा हस्ताक्षर गर्नु भएको हो । कार्यक्रममा प्रहरी अतिरिक्त महानिरीक्षक किरण बज्राचार्य र काठमाण्डौ उपत्यका ट्राफिक प्रहरी कार्यालयका प्रमुख प्रहरी नायव महानिरीक्षक भरत बहादुर बोहरा, त्रिभुवन अन्तर्राष्ट्रिय विमानस्थल सुरक्षा कार्यालय निमित्त प्रमुख प्रहरी वरिष्‍ठ उपरीक्षक डम्बर बहादुर वि.क., काठमाण्डौ उपत्यका अपराध अनुसन्धान कार्यालयका प्रमुख प्रहरी वरिष्‍ठ उपरीक्षक सानुराम भट्टराई, जिल्ला प्रहरी परिसर ललितपुरका प्रमुख प्रहरी वरिष्‍ठ उपरीक्षक शेखर खनाल, जिल्ला प्रहरी परिसर काठमाण्डौका प्रमुख प्रहरी वरिष्‍ठ उपरीक्षक वसन्त रजौरे र जिल्ला प्रहरी परिसर भक्तपुरका प्रमुख प्रहरी उपरीक्षक वेद विष्ट बीच हस्ताक्षर भएको थियो । कार्यक्रममा काठमाण्डौ उपत्यका प्रहरी कार्यालयका प्रमुख किरण बज्राचार्यले सम्झौता पत्रमा उल्लेख भएका कार्यहरू प्रभावकारीरुपमा पालना गरी कार्यान्वयन गर्न हुन मातहत कार्यालयका प्रमुखहरूलाई निर्देशन दिनुहुँदै आफ्नो मातहतहरूलाई समेत परिचालन, उत्प्रेरित गर्न एवम् नियमित, अनुगमन र सुपरिवेक्षण गरी सामूहिक रूपले उपत्यकाको शान्ति, सुरक्षा कायम गर्न समेत उपस्थित प्रहरी अधिकृतहरूलाई निर्देशन दिनुभयो । आर्थिक वर्ष २०८१/०८२ को कार्य सम्पादन सम्झौता पत्रमा नवप्रवर्तन र सिर्जनात्मक कार्यहरू पनि समावेश गरिएकाले उपत्यकालाई सुरक्षित गर्ने अभियानमा सबै मातहत कार्यालयको ऐक्यवद्दता रहने विश्वास व्यक्त गर्नुभयो ।

जिल्ला प्रहरी परिसर ललितपुरको निरीक्षण तथा निर्देशन कार्यक्रम

२०८१-०५-२४

काठमाण्डौ, २४ भदौ काठमाण्डौ उपत्यका प्रहरी कार्यालयका प्रमुख प्रहरी अतिरिक्त महानिरीक्षक किरण बज्राचार्यद्वारा सोमवार जिल्ला प्रहरी परिसर ललितपुरको निरीक्षण तथा निर्देशन कार्यक्रम सम्पन्न भएको छ । जिल्ला प्रहरी परिसर ललितपुरको भवनका विभिन्न शाखाहरु, हिरासत कक्ष तथा अन्य संरचनाको निरीक्षण पश्चात उपस्थित जिल्ला प्रहरी परिसर ललितपुर मातहतका वृत्त, प्रभाग तथा बिटका प्रमुखहरु लगायतका प्रहरी कमचारीहरुलाई निर्देशन दिनु हुँदै प्रहरी अतिरिक्त महानिरीक्षक बज्राचार्यले ललितपुर जिल्लामा VVIP तथा VIP हरुको बसोबास रहेको साथै हरेक सरकारी तथा ग्रैह्र सरकारी निकायहरुबाट समेत विशेष निगरानी हुने हुदा थप संवेदनशिल भई आफ्नो जिम्मेवारी उत्कृष्ठ ढंगले सम्पादन गर्नु पर्ने बताउनु भयो । साथै नागरिकहरूलाई नागरिक मैत्री प्रहरी सेवा प्रवाह गर्दै हरेक प्रहरी कर्मचारीले आफ्नो व्यवहारमा विशेष ध्यान दिदै आम नागरिकसग विनम्रताका साथ प्रस्तुत हुन निर्देशन दिनु भयो । त्यसैगरी हरेक समस्याको समाधान सामूहिक कार्यबाट हुने हुनाले सामुहिक कार्यमा जोड दिंदै परिणाममुखी तथा प्रविधि मैत्री अनुसन्धानमा तल्लिन हुन समेत निर्देशन दिनुभयो । जिल्ला प्रहरी परिसर ललितपुरका प्रहरी उपरीक्षक नरेश राज सुवेदीले प्रस्तुतीकरण प्रस्तुत गर्नुभएको उक्त कार्यक्रममा काठमाण्डौ उपत्यका प्रहरी कार्यालयका प्रहरी वरिष्ठ विनोद घिमिरे, जिल्ला प्रहरी परिसर ललितपुरका कार्यालय प्रमुख प्रहरी वरिष्ठ उपरीक्षक शेखर खनाल , प्रहरी उपरीक्षकहरू, प्रहरी वृत्त तथा प्रभागका कार्यालय प्रमुखहरू, सिनियर प्रहरी अधिकृतहरू तथा अन्य प्रहरी कर्मचारीहरूको उपस्थिति रहेको थियो ।

प्रहरी नायव महानिरीक्षकको बिदाई तथा फेरि भेटौला कार्यक्रम

२०८१-०५-२१

काठमाण्डौ, २१ भदौमिति २०८१/०५/२१ गते काठमाण्डौ उपत्यका प्रहरी कार्यालयका कार्यालय प्रमुख प्रहरी अतिरिक्त महानिरीक्षक किरण बज्राचार्यको प्रमुख आतिथ्यतामा नेपाल सरकार, गृह मन्त्रालय (माननीय गृहमन्त्रीस्तर) को मिति २०८१/०५/१७ गतेको निर्णयानुसार बागमती प्रदेश प्रहरी कार्यालय हेटौडा मकवानपुर सरुवा भई जान लाग्नु भएका प्रहरी नायव महानिरीक्षक कृष्ण हरि शर्माको बिदाई तथा फेरि भेटौँला कार्यक्रम सम्पन्न भएको छ । बिदाई तथा फेरी भेटौँला कार्यक्रमलाई सम्बोधन गर्नुहुदै प्रहरी अतिरिक्त महानिरीक्षक किरण बज्राचार्यले प्रहरी नायव महानिरीक्षक कृष्ण हरि शर्माले यस कार्यालयमा कार्यरत रहँदा कार्यकुशलतापूर्वक जिम्मेवारी निर्वाह गर्नु भएकोमा धन्यवाद व्यक्त गर्दै नयाँ कार्यक्षेत्रको लागि उहाँलाई हार्दिक शुभकामना प्रदान गर्नु भयो । साथै आगामी दिनमा आउन सक्ने सम्भावित सुरक्षा चुनौतिलाई सामना गर्न तयार भई सङ्गठको श्रीबृद्दिका खातिर निरन्तर लागिरहनुका साथै व्यवसायिक तथा जनमुखी सेवा प्रवाह गर्न निर्देशन समेत दिनु भयो । कार्यक्रममा काठमाण्डौ उपत्यका प्रहरी कार्यालयका प्रहरी वरिष्‍ठ उपरीक्षक विनोद घिमिरे, प्रहरी उपरीक्षकहरु, प्रहरी नायव उपरीक्षकहरु, प्रहरी निरीक्षकहरु, जुनियर प्रहरी कर्मचारीहरु, लगायत अन्य प्रहरी कर्मचारीहरु उपस्थिति रहेको थियो ।