प्रहरी नायव महानिरीक्षक कृष्णहरी शर्मा पोख्रेलको प्रमुख आतिथ्यतामा Safety Pin Campaign सम्बन्धी छलफल तथा अन्तक्रिया कार्यक्रम सम्पन्न

२०८१-०३-०९

A
A^-
A⁺

काठमाण्डौ, ०९ असार

मिति २०८१/०३/०९ गते काठमाण्डौ उपत्यका प्रहरी कार्यालयमा यस कार्यालयका प्रहरी नायव महानिरीक्षक कृष्ण हरी शर्मा पोख्रेलको प्रमुख आतिथ्यतामा Safety Pin Campaign सम्बन्धी छलफल तथा अन्तक्रिया कार्यक्रम सम्पन्न भएको छ ।

सार्वजनिक सवारी साधन तथा सार्वजनिक स्थानमा हुने विभिन्न आपराधिक क्रियाकलाप साथै यौनजन्य हिंसा न्यूनिकरणको गर्न काठमाण्डौ उपत्यकाका विभिन्न रुटहरुमा चल्ने सवारी साधनमा प्रहरी कर्मचारीलाई सादा पोशाकमा खटाई Safety Pin Campaign लागु गरिएको थियो ।

कार्यक्रममा उठेका जिज्ञासालाई सम्बोधन गर्नु हुँदै प्रहरी नायव महानिरीक्षक पोख्रेलले काठमाण्डौ उपत्यका भित्र सवारी साधन तथा सार्वजनिक स्थानमा पकेटमारी तथा महिला, बालबालिका तथा जेष्ठ नागरिक उपर हुने हिंसाका घटना न्यूनिकरण गर्न Safety Pin Campaign अभियानमा खटिएका सम्पूर्ण प्रहरी कर्मचारीलाई निर्देशन दिनु हुँदै ‘सुरक्षित उपत्यका, हाम्रो प्रतिवद्धता’ अभियानलाई सफल पार्ने विश्‍वास समेत व्यक्त गर्नुभयो ।

कार्यक्रमा प्रहरी वरिष्ठ उपरीक्षककिसन सिंह थापा, प्रहरी उपरीक्षक संजय वहादुर राउत लगायत अन्य प्रहरी कर्मचारीको उपस्थिति रहेको थियो ।

सम्बन्धित समाचार

प्रहरी नायव महानिरीक्षकको बिदाई तथा फेरि भेटौला कार्यक्रम

२०८१-०५-२१

काठमाण्डौ, २१ भदौमिति २०८१/०५/२१ गते काठमाण्डौ उपत्यका प्रहरी कार्यालयका कार्यालय प्रमुख प्रहरी अतिरिक्त महानिरीक्षक किरण बज्राचार्यको प्रमुख आतिथ्यतामा नेपाल सरकार, गृह मन्त्रालय (माननीय गृहमन्त्रीस्तर) को मिति २०८१/०५/१७ गतेको निर्णयानुसार बागमती प्रदेश प्रहरी कार्यालय हेटौडा मकवानपुर सरुवा भई जान लाग्नु भएका प्रहरी नायव महानिरीक्षक कृष्ण हरि शर्माको बिदाई तथा फेरि भेटौँला कार्यक्रम सम्पन्न भएको छ । बिदाई तथा फेरी भेटौँला कार्यक्रमलाई सम्बोधन गर्नुहुदै प्रहरी अतिरिक्त महानिरीक्षक किरण बज्राचार्यले प्रहरी नायव महानिरीक्षक कृष्ण हरि शर्माले यस कार्यालयमा कार्यरत रहँदा कार्यकुशलतापूर्वक जिम्मेवारी निर्वाह गर्नु भएकोमा धन्यवाद व्यक्त गर्दै नयाँ कार्यक्षेत्रको लागि उहाँलाई हार्दिक शुभकामना प्रदान गर्नु भयो । साथै आगामी दिनमा आउन सक्ने सम्भावित सुरक्षा चुनौतिलाई सामना गर्न तयार भई सङ्गठको श्रीबृद्दिका खातिर निरन्तर लागिरहनुका साथै व्यवसायिक तथा जनमुखी सेवा प्रवाह गर्न निर्देशन समेत दिनु भयो । कार्यक्रममा काठमाण्डौ उपत्यका प्रहरी कार्यालयका प्रहरी वरिष्‍ठ उपरीक्षक विनोद घिमिरे, प्रहरी उपरीक्षकहरु, प्रहरी नायव उपरीक्षकहरु, प्रहरी निरीक्षकहरु, जुनियर प्रहरी कर्मचारीहरु, लगायत अन्य प्रहरी कर्मचारीहरु उपस्थिति रहेको थियो ।

हरितालिका तीजको शुभकामना आदान प्रदान कार्यक्रम

२०८१-०५-१९

काठमाण्डौ, १९ भदौ नेपाली हिन्दु महिलाहरूको महान चाड हरितालिका तीज, २०८१ को अवसरमा काठमाण्डौ उपत्यका प्रहरी कार्यालयमा शुभकामना आदान प्रदान कार्यक्रम सम्पन्न भयो । कार्यक्रमका प्रमुख अतिथि काठमाण्डौ उपत्यका प्रहरी कार्यालयका प्रमुख प्रहरी अतिरिक्त महानिरीक्षक किरण बज्राचार्यले सम्पूर्ण नेपाली हिन्दु महिलाहरुका साथै नेपाल प्रहरी संगठनमा कार्यरत महिला प्रहरी कर्मचारीहरूलाई शुभकामना व्यक्त गर्नु भयो । कार्यक्रममा काठमाण्डौ उपत्यका प्रहरी कार्यालयका प्रहरी नायव महानिरीक्षक कृष्ण हरि शर्मा पोख्रेल, प्रहरी वरिष्‍ठ उपरीक्षक विनोद घिमिरे, प्रहरी उपरीक्षकहरु, प्रहरी नायव उपरीक्षकहरु, प्रहरी निरीक्षकहरु, जुनियर प्रहरी कर्मचारीहरु, प्रहरी हवल्दार तथा जवानहरु लगायत काठमाण्डौ उपत्यका प्रहरी कार्यालयमा कार्यरत सम्पूर्ण महिला प्रहरी कर्मचारीहरु उपस्थिति रहेको थियो । तत्पश्‍चात उक्त कार्यक्रममा शुभकामना आदान प्रदान तथा विविध सांस्कृतिक कार्यक्रम समेत प्रस्तुत गरिएको थियो ।

वक्तृत्वकला प्रतियोगिता कार्यक्रम सम्पन्न

२०८१-०५-१७

आज मिति २०८१/०५/१७ गते दोश्रो अन्तर्राष्ट्रिय प्रहरी समन्वय दिवसको अवसरमा आयोजित “ सुरक्षित विश्वको लागि अन्तर्राष्ट्रिय प्रहरी समन्वय” विषयक वक्तृत्वकला प्रतियोगिता कार्यक्रम रोयल ब्याङ्केट तीनकुने काठमाण्डौमा प्रहरी अतिरिक्त महानिरीक्षक टेक बहादुर तामाङको प्रमुख आतिथ्यतामा सोमवार सम्पन्न भयो । प्रतियोगितामा ग्लोबल कलेज अफ म्यानरजमेन्टका रुची खरेल प्रथम,जेभियर एकेडेमीका प्रत्यश महर्जन द्वितीय र विश्वनिकेतन माविका निर्मल बि.क. तृतीय भएका छन । नेपाल प्रहरी प्रधान कार्यालय अपराध अनुसन्धान विभाग नक्सालको आयोजना तथा काठमाण्डौ उपत्यका प्रहरी कार्यालय रानीपोखरीको सहकार्यमा आयोजित प्रतियोगिता काटमाण्डौ महानगरपालिका भित्र रहेका सामुदायिक तथा संस्थागत विद्यालयमा अध्ययनरथ विद्यार्थीहरूको सहभागिता रहेको थियो । इन्टरपोल स्थापना दिवसको अवसरमा सेप्टेम्बर ७ लाई अन्तर्राष्ट्रिय प्रहरी समन्वय दिवसको रुपमा मनाउने घोषणा गरिए अनुरुप यस वर्ष पनि विभिन्न कार्यक्रमहरू आयोजना गरि मनाउने सन्दर्भमा उक्त प्रतियोगिता आयोजना गरिएको हो ।

सिनियर प्रहरी अधिकृतहरुको बिदाई कार्यक्रम सम्पन्न

२०८१-०५-१६

आज मिति २०८१/०५/१६ गते प्रहरी अतिरिक्त महानिरीक्षक किरण बज्राचार्यको प्रमुख आतिथ्यतामा सेवानिवृत्त हुनु भएका सिनियर प्रहरी अधिकृतहरुको बिदाई कार्यक्रम सम्पन्न भयो । मिति २०५१ भाद्र १६ गते प्रहरी सेवामा प्रवेश गरी अनवरत रुपमा ३० बर्ष प्रहरी सेवामा आबद्ध भई अनिवार्य अवकाश हुनु भएको हो । बिदाई हुनु भएका प्रहरी अधिकृतहरु प्र.व.उ. जीवन कुमार श्रेष्‍ठ, प्र.व.उ किसन सिंह थापा, प्र.व.उ दिनेश राज मैनाली, प्र.उ. कृष्ण प्रसाई, प्र.उ. अवदेश विष्‍ट क्षेत्री, प्र.ना.उ. सरोज कुमार ठकुराठी, प्र.ना.उ. भुवन भट्ट र प्र.ना.उ. उदय सिंह सिजापती हुनु हुन्छ । बिदाई समारोहलाई सम्बोधन गर्दै प्रहरी अतिरिक्त महानिरीक्षक बज्राचार्यले आम नागरीकलाई न्याय र सुरक्षाको प्रत्याभूती दिदैं संगठनको कमर्ठ सिपाहीको रुपमा संगठनले सुम्पेको जिम्मेवारी व्यवसायिक रूपमा सक्षमताका साथ निर्वाह गर्न सहयोग र सहकार्य गर्ने सम्पूर्ण प्रहरी कर्मचारीहरूप्रति धन्यबाद व्यक्त गर्दै अवकाश पश्चातको पारिवारिक तथा सामाजिक सुखमय जीवनका लागी समेत शुभकामना व्यक्त गर्नुभयो । सेवा निवृत प्रहरी अधिकृतहरूको तर्फबाट प्रहरी सेवामा रहँदाको आफ्‍नो अनुभव सहितको मन्तब्य व्यक्त गर्दै प्रहरी वरिष्‍ठ उपरीक्षक जीवन कुमार श्रेष्ठले प्रहरी सेवालाई प्रभावकारी तथा नगारिकमैत्री बनाउनका लागि आफ्नो जीवनको उर्जाशिल समय नेपाल प्रहरी संगठनको उद्देश्य पुरा गर्नको निम्ति योगदान गरेको स्मरण गर्दै अवकाश पश्चात पनि नेपाल प्रहरी संगठनले महशुस गरेको हरेक समयमा सल्लाह, सुझाव र सहकार्य निरन्तर प्रदान गर्ने प्रतिवद्वता व्यक्त गर्नुभयो । सोही अवसरमा बिदाई हुन लाग्नु भएका सिनियर प्रहरी अधिकृतहरुलाई कार्यालयको तर्फबाट प्रहरी अतिरिक्त महानिरीक्षक किरण बज्राचार्यले मायाको चिनो तथा कदर पत्र प्रदान गर्नुभएको थियो । कार्यक्रममा प्रहरी नायव महानिरीक्षक कृष्ण हरि शर्मा पोख्रेल, प्रहरी वरिष्ठ उपरीक्षक विनोद घिमिरे , सिनियर प्रहरी अधिकृतहरू तथा अन्य प्रहरी कर्मचारीहरूको उपस्थिति रहेको थियो ।

ग्रीस पठाइदिन्छु भनी ठगी गर्ने व्यक्ति पक्राउ

२०८१-०५-१३

काठमाण्डौ, १३ भदौ वैदेशिक रोजगारमा आकर्षक तलबको प्रलोभनमा पारी ग्रीस पठाइदिन्छु भन्दै रकम ठगी गरेको अभियोगमा रामेछाप गोकुलगंगा गाउँपालिका-३ घर भई काठमाडौं चन्द्रागिरी नगरपालिका-१४ नैकाप बस्ने ४२ वर्षीय सूर्य बहादुर सुनुवारलाई मंगलबार प्रहरीले पक्राउ गरेको छ । सूर्य बहादुरले ग्रीस पठाइदिन्छु भन्दै १ जना पीडितबाट २ लाख ६० हजार रूपैयाँ लिई सम्पर्क विहीन भएको भन्ने पीडितको उजुरीको आधारमा काठमाण्डौ उपत्यका अपराध अनुसन्धान कार्यालय टेकुबाट खटिएको प्रहरीले उनलाई काठमाण्डौ नैकापबाट पक्राउ गरेको हो । उनलाई आवश्यक अनुसन्धान तथा कारवाहीको लागि वैदेशिक रोजगार विभाग ताहाचल काठमाण्डौ पठाइएको छ ।

हत्या गरेको अभियोगमा एक जना पक्राउ

२०८१-०५-१२

काठमाण्डौ, १२ भदौ काठमाण्डौ महानगरपालिका-१० शंखमुल साईबाबा पार्कस्थित पुल हाउसका संचालक रूपक बान्तवाको हत्या गरेको अभियोगमा सोही ठाउँ डेरा गरी बस्ने बारा सिम्रौनगढ नगरपालिका-७ घर भएका २२ वर्षीय एमके कुमारलाई बुधबार बिहान प्रहरीले पक्राउ गरेको छ । कुमारले सोमबार बिहान रड प्रहार गर्दा गम्भीर घाइते भएका रूपकको सिभिल अस्पतालमा उपचारको क्रममा मृत्यु भएको थियो । जिल्ला प्रहरी परिसर काठमाण्डौबाट खटिएको प्रहरीले उनलाई उनकै डेरा कोठाबाट पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।