करेन्ट लागेर दुई जनाको मृत्यु

२०८०-०४-२३

A
A^-
A⁺

काठमाडौं, २३ साउन

ललितपुर, ललितपुर महानगरपालिका-१ कुपण्डोलस्थित बालाजु अटो वर्कसपको शाखा कार्यालय निर्माण गर्ने क्रममा करेन्ट लागेर काठमाडौं बुढानिलकण्ठ नगरपालिका-३ बस्ने दोलखा तामाकोशी गाउँपालिका-३ घर भएका १९ वर्षीय शिब विकको सोमबार दिउँसो मृत्यु भएको छ । करेन्ट लागेर गम्भीर घाइते भएका उनको अल्का अस्पतालमा उपचारको क्रममा मृत्यु भएको हो ।

सम्बन्धित समाचार

६० वटा सवारी साधन (मोटरसाइकल र स्कुटर) सम्बन्धित धनीलाई हस्तान्तरण कार्यक्रम सम्पन्न ।

२०८२-०९-११

काठमाडौं, ११ पुस काठमाडौं उपत्यका प्रहरी कार्यालयका कार्यालय प्रमुख प्रहरी अतिरिक्त महानिरीक्षक ईश्वर कार्कीको प्रमुख आतिथ्यतामा काठमाडौँ उपत्यका ट्राफिक प्रहरी कार्यालयको प्राङ्गडमा सवारी साधन हस्तान्तरण कार्यक्रम सम्पन्न भएको छ । काठमाडौँ उपत्यकाका विभिन्न स्थान र मितिमा चोरी भएका ६० वटा दुई पाङ्ग्रे सवारी साधनहरु (मोटरसाइकल र स्कुटर) खोजतलास गरी काठमाडौँ उपत्यका प्रहरी कार्यालयका कार्यालय प्रमुख प्रहरी अतिरिक्त महानिरीक्षक ईश्वर कार्की र काठमाडौँ उपत्यका ट्राफिक प्रहरी कार्यालय प्रमुख प्रहरी वरिष्ठ उपरीक्षक नवराज अधिकारीले संयुक्त रुपमा ३४ वटा मोटरसाइकल र २६ वटा स्कुटर स्कुटर सम्बन्धित धनीलाई हस्तान्तरण गर्नुभएको हो । यस आर्थिक बर्षमा आज बुझाइएका ६० वटा सहित १८१ वटा सवारी साधन ट्राफिक प्रहरीले सम्बन्धित धनीलाई जिम्मा लगाइसकेको छ, साथै चोरीका १३ वटा दुई पाङ्ग्रे सवारी साधन सहित चोरीमा संलग्न २५ जना व्यक्तिहरूलाई पनि नियन्त्रणमा लिएर आवश्यक कारबाहीका लागि विभिन्न प्रहरी परिसर तथा प्रहरी वृत्तमा पठाइएको छ । काठमाडौँ उपत्यका ट्राफिक प्रहरी कार्यालयमा प्राप्त निवेदनका आधारमा खोजी गरी सम्बन्धित धनिहरुले सवारी प्राप्त गरे पश्चात सवारी धनिहरुले उपस्थित प्रहरी कर्मचारीहरुलाई खादा माला लगाई ट्राफिक प्रहरीलाई धन्यवाद व्यक्त गर्नुका साथै केक काटी खुशी व्यक्त गर्नु भएको थियो ।

प्रहरी अतिरिक्त महानिरीक्षक ईश्वर कार्कीद्वारा काठमाडौं उपत्यका ट्राफिक प्रहरी कार्यालय रामशाहपथको निरीक्षण तथा निर्देशन साथै पुरस्कार वितरण कार्यक्रम सम्पन्न ।

२०८२-०९-११

काठमाडौं, ११ पुसकाठमाडौं उपत्यका प्रहरी कार्यालयका प्रमुख प्रहरी अतिरिक्त महानिरीक्षक ईश्वर कार्कीद्वारा आज काठमाडौं उपत्यका ट्राफिक प्रहरी कार्यालय रामशाहपथको निरीक्षण तथा निर्देशन साथै पुरस्कार वितरण कार्यक्रम सम्पन्न भएको छ । प्रहरी अतिरिक्त महानिरीक्षक कार्कीले काठमाडौं उपत्यका ट्राफिक प्रहरी कार्यालय रामशाहपथको विभिन्न शाखाहरुको निरीक्षण गर्नुका साथै ट्राफिक प्रहरीले सेवाग्राहीसँग गर्नुपर्ने बोली व्यवहारमा उच्च व्यवसायिकता प्रदर्शन गरी नागरिकमैत्री सेवा प्रदान गर्नुका साथै तालुक कार्यालयहरुबाट भएको नीति निर्देशन अक्षरंस पालना गर्न निर्देशन दिनुभयो । सडकमा खटिने ट्राफिक प्रहरी प्रति राज्यका हरेक निकाय तथा आम नागरिकसम्मको चासो हुने हुदा ट्राफिक प्रहरीले गर्नुपर्ने काम कर्तव्यलाई मध्यनजर गरी जवाफदेही तवरले कार्य सम्पादन गर्न समेत निर्देशन दिनुभयो । ट्राफिक प्रहरीद्वारा उत्कृष्ठ कार्य गर्ने प्रहरी कर्मचारीलाई पुरस्कार वितरण गरिएको उक्त कार्यक्रममा काठमाडौं उपत्यका ट्राफिक प्रहरी कार्यालय तथा मातहत ट्राफिक प्रहरी परिसर, वृत्त र प्रभाग प्रमुखहरू, सिनियर प्रहरी अधिकृत, जुनियर प्रहरी अधिकृत तथा प्रहरी हवल्दार, जवानहरुको उपस्थिति रहेको थियो

अवैध लागूऔषध सहित १ जना पक्राउ

२०८२-०९-०८

२०८२ पुस ८ काठमाडौं, टोखा नगरपालिका-८ बानियाटारस्थित खाजाघर संचालन गरी बस्ने रूपन्देही तिलोत्तमा नगरपालिका-२ घर भएकी ५० वर्षीया टिका देवी पुनलाई अवैध लागूऔषध ब्राउनसुगर जस्तो देखिने पदार्थ १ ग्राम १ सय ५० मिलिग्राम सहित सोमबार दिउँसो प्रहरीले पक्राउ गरेको छ । प्रहरी प्रभाग गोंगबुबाट खटिएको प्रहरीले उनको खाजाघर तलासी गर्ने क्रममा उक्त पदार्थ फेला पारी पक्राउ गरेको हो ।

अमेरिका पठाइदिन्छु भन्दै ठगी गर्ने व्यक्ति पक्राउ

२०८२-०९-०७

काठमाडौं, वैदेशिक रोजगारीमा आकर्षक तलबको प्रलोभनमा पारी अमेरिका पठाइदिन्छु भन्दै रकम ठगी गरेको अभियोगमा ललितपुर, ललितपुर महानगरपालिका-४ बस्ने धादिङ निलकण्ठ नगरपालिका-१३ घर भएका २४ वर्षीय सुजन आले मगरलाई आइतबार प्रहरीले पक्राउ गरेको छ । सुजनले अमेरिका पठाइदिन्छु भन्दै १ जना पीडितबाट २ लाख ५५ हजार रूपैयाँ लिई सम्पर्कविहीन भएको भन्ने पीडितको उजुरीको आधारमा काठमाडौं उपत्यका अपराध अनुसन्धान कार्यालय टेकुबाट खटिएको प्रहरीले उनलाई काठमाडौं महानगरपालिका-११ पक्राउ गरेको हो । उनलाई आवश्यक अनुसन्धान तथा कारवाहीको लागि वैदेशिक रोजगार विभाग ताहाचल काठमाडौं पठाइएको छ ।

अवैध लागूऔषध सहित १ जना पक्राउ

२०८२-०९-०२

काठमाडौं महानगरपालिका-२६ ठमेल क्वावहाल चोकबाट नियन्त्रित लागूऔषध ट्रामाडोल १ हजार ५ सय ५० ट्याब्लेट सहित काठमाडौं नयाँबजार धारागल्ली बस्ने नवलपरासी पूर्व घर भएका २८ वर्षीय सचिन केसीलाई सोमबार साँझ प्रहरीले पक्राउ गरेको हो । प्रहरी वृत्त लैनचौरबाट खटिएको प्रहरीले प्रदेश ३-०२-००८ प २२५३ नम्बरको स्कुटरमा सवार उनलाई उक्त लागूऔषध सहित पक्राउ गरेको हो । प्रहरीले हाल फरार स्कुटर चालकको खोजी गरिरहेको छ । यस सम्बन्धमा प्रहरीले आवश्यक अनुसन्धान गरिरहेको छ ।

प्रहरी वृत्त सातदोबाटोको भवन पुनःनिर्माण समितिद्वारा निर्माण सम्पन्न गरी प्रहरी महानिरीक्षक दान बहादुर कार्की मार्फत नेपाल प्रहरीलाई हस्तान्तरण कार्यक्रम सम्पन्न ।

२०८२-०८-२८

२०८२ मंसिर २८ मिति २०८२ भाद्र २३ र २४ गतेको आन्दोलनबाट क्षति ग्रस्त भएको प्रहरी वृत्त सातदोबाटोको प्रहरी भवन पुनः निर्माण समितिद्वारा निर्माण सम्पन्न गरी प्रहरी महानिरीक्षक दान बहादुर कार्की मार्फत नेपाल प्रहरीलाई आज आइतबार एक कार्यक्रमका बीच हस्तान्तरण गरिएको छ । जेनजी आन्दोलनको क्रममा आगजनीबाट क्षति भएको प्रहरी वृत्त सातदोबाटोको पुनः र्निर्मित भवनको उद्घाटन गर्नुहुर्दै प्रहरी महानिरीक्षक दान बहादुर कार्कीले नागरिकद्वारा बनाईएका भवनहरुमा सहयोगी नागरिकहरुको भावना जोडिने बताउनुहुदै समाजमा शान्ति सुव्यवस्था कायम राख्न नागरिक र प्रहरीको साझेदारी हुनुपर्नेमा जोड दिनुभयो । प्रहरी भवन पुनःनिर्माणमा सहयोग गर्नुहुने संघसंस्था साथै दाताहरूलाई सम्मान पत्र वितरण कार्यक्रम पश्चात प्रहरी भवन हस्तान्तरण समारोहलाई सम्बोधन गर्नुहुदै प्रहरी अतिरिक्त महानिरीक्षक ईश्वर कार्कीले समारोहमा उपस्थित अधिकांश महानुभावहरूको श्रम, पसिना तथा योगदानका साथै स्थानिय जनसमुदायहरूले नेपाल प्रहरी प्रति देखाएको असिम मायाको चिनो रुपमा नेपाल प्रहरीलाई सुम्पिएको यस पुनः र्निर्मित भवनमा व्यक्तिगत तथा संस्थागत रुपमा योगदान पुर्‍याउनु हुने सम्पुर्ण माहनुभावहरूमा हार्दिक आभार तथा कृतज्ञता व्यक्त गर्नुहुदै पुनः र्निर्मित भवनबाट सेवा प्रदान गर्ने कार्यालयका कार्यालय प्रमुख सहित सम्पुर्ण प्रहरी कर्मचारीहरूलाई भवनको संरक्षण संवर्द्धन तथा प्रभावकारी र पारदर्शी प्रहरी सेवा प्रदान गर्नु हुन निर्देशन समेत निर्देशन दिनुभयो । प्रहरी वृत्त सातदोबाटो भवन पुनः निर्माण समितिका अध्यक्ष समाजसेवी तथा वरिष्ठ हास्य कलाकार किरण कुमार के.सी.ले धन्यवाद ज्ञापन गर्नुभएको उक्त कार्यक्रममा (महजोडी) वरिष्ठ हास्य कलाकारद्वय मदनकृष्ण श्रेष्ठ र हरीवंश आचार्य, जिल्ला प्रहरी परिसर ललितपुरका प्रमुख प्रहरी वरिष्ठ उपरीक्षक होविन्द्र बोगटी, रिपोर्टस क्लबका अध्यक्ष तथा पत्रकार ऋषि धमला, प्रहरी वृत्त सातदोबाटोका पुनःर्निर्माण समितिका पदाधिकारीहरू, क्लबका प्रतिनिधिहरु, स्थानिय जनप्रतिनिधिहरु, सहयोगी संघसंस्थाहरुका महानुभावहरु, संचारकर्मीहरु, नागरिक समाजका प्रतिनिधिहरु,स्थानिय बासिन्दाहरु, प्रहरी अधिकृत तथा अन्य दर्जाका प्रहरी कर्मचारीहरुको उपस्थिति रहेको थियो ।