काठमाण्डौ, २६ असार

        काठमाण्डौ महानगरपालिका-६  कपन सरस्वतीनगर बस्ने ४७ वर्षीय राजु थापाको घरमा जुवातास खेलिरहेको अवस्थामा काठमाण्डौ महानगरपालिका-६ तेन्जिङचोक बस्ने नुवाकोट दुप्‍तेश्‍वर गाउँपालिका-१ घर भएका ३६ वर्षीय कृष्ण बहादुर स्याङ्तान समेत ६ जनालाई सोमबार राति प्रहरीले पक्राउ गरेको छ ।

      विशेष सूचनाको आधारमा प्रहरी प्रभाग कपनबाट खटिएको प्रहरीले उनीहरूलाई नगद ९८ हजार रूपैयाँ र ३ बुक ताससहित पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।