काठमाण्डौ, ११ असार

            काठमाण्डौ महानगरपालिका-११ भोटेवहाल अरनिको गल्ली बस्ने दिपेश श्रेष्ठको इनारमा डुबेर २ जनाको सोमबार बिहान मृत्यु भएको छ । मृत्यु हुनेहरुमा सिन्धुली मजुवा घर भई हाल काठमाडौं बसन्तपुर डेरा गरी बस्ने २२ वर्षीय दिपेश गुरुङ र झापा घर भई हाल काठमाडौं बसन्तपुर बस्ने ३८ वर्षीय दिपेन लिम्बु रहेका छन । ईनारमा रहेको पानी तान्ने मेसिन बनाउनका लागि मेसिन झिक्न इनारभित्र पस्दा उनीहरुको डुबेर मृत्यु भएको हो । यस सम्बन्धमा प्रहरीले थप अनुसन्धान गरिरहेको छ ।