काठमाण्डौ, ६ असार

            काठमाण्डौ महानगरपालिका-१५ छाउनी चोक डेरा गरी बस्ने सिन्धुपाल्चोक पाँचपोखरी थाङपाल गाउँपालिका-४ घर भएका रामचन्द्र थापाको कोठाबाट कोही नभएको अवस्थामा सुनका झुम्का तथा औठी र नगद ७० हजार रूपैयाँ गरी करिब ३ लाख ९० हजार रूपैयाँ बराबरको धनमाल मङ्गलबार दिउँसो चोरी भएको छ ।

            यसै गरी काठमाण्डौ, तारकेश्वर नगरपालिका-४ बस्ने लोक बहादुर श्रेष्ठको घरबाट कोही नभएको अवस्थामा विभिन्न सुनका गहना तथा नगद ५० हजार रूपैयाँ गरी करिब २ लाख ७२ हजार रूपैयाँ बराबरको धनमाल मङ्गलबार दिउँसो चोरी भएको छ ।

प्रहरीले चोरीमा संलग्न हाल फरार व्यक्तिहरूको खोजी गर्नुका साथै यस सम्बन्धमा आवश्यक अनुसन्धान गरिरहेको छ ।